MARKO 13:27 - Biblia Ilagho Jiboie Kwa Wandu Wose

²⁷ Nao uchawiduma weke malaika uwikwanye andwamweri wasaghulwa wake kufuma mbembe inya ra ndoenyi, kufuma kuzoya kwaro ndoenyi hata kutua kwaro.”

MARKO 13:27 Referans Kwoze

ZEKARIA 2:6

BWANA ukawizera wandu wake, “Choonyi! Choonyi! Kimbienyi mfume isanga ja kaskazinyi; kwa kukaia ni ini BWANA neremsaghisireghe kula andu.”

MATHAYO 24:31

nao uchawiduma weke malaika wake na lwaka lubaa lwa tarumbeta, kuwikwanya wasaghulwa wake kufuma mbembe inya ra wurumwengu, kufuma kutua uku hata kutua kuja kwa mlungunyi.

WUKUMBUSO 30:4

Hata ngera mwasaghisiro hata kutuonyi kwa ndoenyi, BWANA Mlungu onyu uchamtumbanya kufuma aho na kumreda,

2 WATHESALONIKE 2:1

Idana kwa malagho gha kucha kwa Bwana odu Jesu Kristo, na kuja kukwana nao kodu, damlomba wanidu,

LUKA 16:22

“Nao uja mkiwa ukafwa, ukadalwa ni weke malaika, ukasea kidombo kaavui na Abrahamu.

MARKO 13:20

Na ngera Bwana usereghipunguzireghe matuku agho, kumangu mndungi ndekiagha anduangi. Ela kwa wundu ghwa waja wasaghulwa orewisaghueghe, waghipunguza matuku agho.

MATHAYO 13:41

uja Mwana wa Mdamu, uchawiduma weke malaika wake wiwikwanye na kuwiinja na mbai ya wuzuri ghwake, awo wose wiredagha kaung'a na wose wibonyagha wuwiwi;

1 PETRO 1:2

Wandu wisaghulo na kuwikwa ni Mlungu uja Aba, na kueleshwa ni uo Roho, wipate kumsikira Jesu Kristo, na kueleshwa kwa bagha yake. Mvono na sere nderichurikie konyu.

2 TIMOTHEO 2:10

Kwa huwu narumaghia maza rose kwa wundu ghwa wasaghulwa, eri nawo wipate kukia andenyi ya Kristo Jesu, na kupata ugho wubaa ghwaro ghwa kala na kala.

WAKOLOSAI 3:12

Idana inyo sa wandu wa Mlungu msaghulo, waeli mkundo, mkaie na ngolo ya wughoma, wucha, kukusera, wumboa, na kurumaghia;

WAROMA 8:33

Nani uchaawishitakia wasaghulwa wa Mlungu? Mlungu nuo uwitalagha kukaia na hachi;

JOHANE 11:52

hata si kwa mbari yawo iekeri anduangi, ela uwikwanye chiaimweri awo wana wa Mlungu wisaghisikie.

JOHANE 10:16

Sena nawadie ng'ondi rimu riseko ra iranu iji. Naro reni yanifwana kuriruda, naro richalusikira lwaka lwapo; nao kuchakaia chagha chimweri na mlisha umweri.

LUKA 18:7

Welee, na Mlungu nao ndechaawitanyira hachi wasaghulwa wake wimliliagha kio na dime anguwada? Loli uchamuka kuwitesia?

MARKO 13:22

Angu wichawuka weke Kristo wa tee, na walodi wa tee; wichawonyera wandu alama na mashiniko, kwa kuwilaghasha; hata ngera kudimika, na waja wasaghulwa wori.

MATHAYO 24:24

Angu wichawuka weke Kristo wa tee na walodi wa tee; wichawonyera weke mwakilimbiti wengi na mashiniko; wipate kuwilaghasha ngera idimika hata awo wasaghulwa.

MATHAYO 24:22

Na ngera agho matuku ghiserepunguziroghe, kumangu mndungi ndekiagha anduangi; elaima kwa wundu ghwa awo wasaghulwa, Mlungu uchaghipunguza matuku agho.

MATHAYO 13:49

Niko koni ichaakaia kutua kwa ngelo; malaika wichacha kuwiinja wandu wawiwi wifume kwa wandu wa hachi,

MATHAYO 12:42

“Malkia wa kusinyi uchawuka andwamweri na kivalwa ichi kutanyonyi, nao uchachitanya kukaia chakosere. Angu uo orechieghe kufuma kula, kusikira malagho gha hikima ya Solomoni. Na aha jeko ilagho ibaa kuchumba Solomoni.

ISAYA 65:9

Nichareda kivalwa cha Israeli na cha Juda, wandu wa ifwa ja iyo mighondi yapo, awo wasaghulwa wapo wichajipata ijo ifwa, na wadumiki wapo wichakaia aho.

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

MARKO 13:28

“Kwa mtini mkufundishe mmbeni mfwano ughu: Iji longe lwaro lwakafunya malemba makoo, mwadamanya angu sumesu yalighisa.