MARKO 13:24 - Biblia Ilagho Jiboie Kwa Wandu Wose

²⁴ “Ela matuku agho, nyuma ya matiriro, iruwa jichawuya kira, na mori ndeghuchaafunya miengere yaro anduangi.

MARKO 13:24 Referans Kwoze

ISAYA 13:10

Nyerinyeri rose ra mlungunyi nderichaafunya miengere, na iruwa jichasera kira jikibuka, hata mori ndeghuchaafunya miengere yaro anduangi.

2 PETRO 3:10

Ela Ituku ja Bwana jichacha sa kitoi; ituku ijo, mlungunyi kuchaida kwa lwaka lubaa, na vilambo viko andenyi yaro vichasagha kwa modo, na ndoenyi kuchahia chiaimweri na vilambo vose viko andenyi yaro.

AMOSI 5:20

Welee, huwo ituku ja BWANA ndejeeka kira jisewadie mwengere, ituku ja kira cha ndindi jisena mwengere ghungi anguwada?

JOELI 3:15

Iruwa na mori vasera kira, na nyerinyeri raleka kung'ala-ng'ala.

WUFUNUO 20:11

Niko ngawona kifumbi cha nguma kibaa cha chokwa, na uo orechiserieghe. Nao ndoenyi na mlungunyi kukamkimbia, na andu kwaro ndekorewonekieghe anduangi.

2 PETRO 3:12

mkiwesera, na kushashira uko kucha kwa Ituku ja Mlungu; kwa wundu ghwa ijo, mlungunyi kuchaaka modo na kusagha, na vilambo varo vichasagha kwa modo.

JOELI 2:10

Ndoe yaawuyasughusika imbiri kwawo; mawingunyi kwaawuyazingizika. Iruwa na mori vawuya kira, na nyerinyeri raleka kung'ala-ng'ala.

DANIELI 12:1

“Ngelo iyo, Mikaeli uo malaika m'baa uwizighanagha wandu wako uchawuka. Ichakaia ni ngelo ya wasi jingi ghusewonekie kufuma mbari yazoya kukaia, hata iyo ngelo. Ela ngelo iyo, wandu wako awo marina ghawo ghiandikilo andenyi ya chuo cha Mlungu, wichakirwa.

DANIELI 7:10

Kamoda ka modo kerefumieghe, na kuida imbiri kwake. Maelfu gha wandu werekoghe wikimdumikia, na mamilioni gha wandu, werekaighe kimusi imbiri kwake. Koti etanya ikawikwa, na vuo wikakuchulwa.

EZEKIELI 32:7

Ngelo nakunona, nichafinikira mlungunyi, na nyerinyeri richawuya kira; nichajifinikira iruwa na mawingu, na mori ndeghuchaafunya miengere yaro anduangi.

JEREMIA 4:28

Kwa wundu ghwa agha, ndoenyi ichakaia na wasi, na mlungunyi kuchawuya kwa chilu; kwa kukaia namerie kughora, namerie kubonya mipango; sichaaleka, hata sichaawuya nyuma.”

MARKO 13:23

Nenyo mkumanye angu namghoria maza rose kiimbiri.”