MARKO 12:43 - Biblia Ilagho Jiboie Kwa Wandu Wose

⁴³ Jesu ukawiwanga wanughi wake, ukawizera, “Namghoria loli, uhu muka mkiwa ufuilo ni mumi wake, wafunya nyingi kuchumba wose wakumba pesa isandukunyi.

MARKO 12:43 Referans Kwoze

2 WAKORINTHO 8:2

Angu awo, hata ngera werekoghe andenyi ya matimo ghibirie gha wasi mungi, ela kuja kuboilwa kwawo kubaa, kwawibonyere wifunye mali rawo kwa wungi; hata ngera wukiwa ghwawo ghorekoghe ghuchumbie.

MABONYO GHA WADUMI 11:29

Wanughi wikawona nicha wiwidumie wutesia waruna werekoghe wikikaia Judea kula umu seji udimagha;

2 WAKORINTHO 8:12

Ikakaia ngolo efunya eko, icheni mundu uko nacho, nicho cheni chirumirilwagha ni Mlungu; hata si icho usewadie anduangi.

MATHAYO 10:42

Na uo ose uchaamneka umu wa awa watini hata kikombe cha machi gha mbeo, angu wakaia mnughi wapo, ndechaasowa mafungu ghake anduangi.”

MARKO 12:42

Aho, ukacha muka umu mkiwa ufuilo ni mumi wake, ukakumba pesa iwi ra shaba, naro rakatana na senti ikumi.

MARKO 12:44

Angu awa wose waafunya masighariko gha wungi ghwa mali rawo, ela uo, kwa wukiwa ghwake, wafunya rose uko naro; najo ni irangi jake jose.”

JOHANE 8:20

Jesu oreghorieghe malagho agho, iji orekoghe ukifundisha Hekalunyi andenyi ya chumba cha isanduku ja mafunyo. Hata mndungi nderedimieghe kummbwada, angu ngelo yake ndeerevikieghe anduangi.