MARKO 12:36 - Biblia Ilagho Jiboie Kwa Wandu Wose

³⁶ Daudi moni kwa Roho Mweli oreghorieghe: ‘Bwana oremzerieghe bwana wapo, sea kidombo mkonu ghwapo ghwa kiwomi; hata niwiwike wamaiza wako wikaie aisi ya maghu ghako.’

MARKO 12:36 Referans Kwoze

ZABURI 110:1

BWANA oremzerieghe bwana wapo, “Sea kidombo chia ya mkonu ghwapo ghwa kiwomi, hata niwibonye wamaiza wako wikaie aisi ya maghu ghako.”

WAEBRANIA 1:13

Angu ni malaika uao jingi Mlungu umzerie, “Sea kidombo chia ya mkonu ghwapo ghwa kiwomi, hata niwibonye wamaiza wako wikaie kifumbi chewikiria maghu ghako?”

1 WAKORINTHO 15:25

Angu ni suti Kristo ubonye nguma, hata Mlungu wameria kuwisima wamaiza wake wose, na kuwiwika aisi ya maghu ghake.

MABONYO GHA WADUMI 1:16

“Wanidu, edeeka suti maandiko ghikatisho; agho gherededeloghe ni Roho Mweli kwa momu ghwa Daudi aighu ya Juda, uo orekoghe kilongozi cha waja weremmbwadieghe Jesu.

NEHEMIA 9:30

Korerumaghianyegha nawo mwaka kwa mwaka, kukawifuria walodi wako wiwiwonyere, ela wandu wako wikariwa madu, na oho kukawisigha wisimo ni wamaiza wawo.

2 SAMUELI 23:2

Roho wa BWANA wawuyaghora ukinitumia, nadaghora malagho ghake na momu ghwapo.

2 PETRO 1:21

angu na jingi wulodi ghungi ndeghorechieghe kwa ndighi ya mdamu anduangi, ela wandu wereghorieghe malagho ghifumie kwa Mlungu, wikinyavurishwa ni Roho Mweli.

1 PETRO 1:11

Wikakotia ngera ni mnduki, angu ni ngelo iao erewonyeroghe ni Roho wa Kristo orekoghe andenyi kwawo, iji werezoeghe kuwona uko kutirirwa kwa Kristo, na ugho wubaa ghuchaanugha nyuma.

WAEBRANIA 4:7

wawika sena ituku jimu ukighamba “Idime,” ukighora kwa kumtumia Daudi kojingi, kwa agho malagho gheni ghimerie kughora huwu, “Idime ngera mwalusikira lwaka lwake, msakekurisha ngolo renyu kwa kumlegha Mlungu.”

2 TIMOTHEO 3:16

Maandiko ghose gheefurilwa ni Mlungu, nagho ghafwana kwa kufundisha, kwa kuwonyera, kwa kuboisa makosa, na kwa kuwifundisha wandu chia ya hachi;

MABONYO GHA WADUMI 28:25

Hata iji walemwa ni kupatana weni na weni, wikasighana nyuma ya Paulo kughora huwu, “Ni loli seji Roho Mweli oreghorieghe aighu ya weke ndeyo, kwa kumtumia mlodi Isaya ukighamba:

MATHAYO 5:35

hata kwa ndoenyi, angu ni kifumbi chewikiria maghu ghake; hata kwa Jerusalemu, angu ni muzi ghwa Mzuri m'baa.