MARKO 12:3 - Biblia Ilagho Jiboie Kwa Wandu Wose

³ Ela awo walimi wikammbwada, wikamkaba na kummbinga duu usedwae kindo chingi.

MARKO 12:3 Referans Kwoze

1 WATHESALONIKE 2:15

awo werem'bwaghieghe uo Bwana Jesu, na awo walodi, wikadiwinga isi. Nawo wadazamia Mlungu, na kuwitangala wandu wose,

MABONYO GHA WADUMI 7:52

Ni mlodi uao weke ndeyo wiseremtiririeghe? Sena wikawibwagha awo werezoeghe kueresha malagho gha kucha kwake Uja Mhachi uo moremfunyireghe na kum'bwagha.

JEREMIA 29:26

BWANA wakubonyere kukaie mkohani wulalo ghwa mkohani Jehoiada, kupate kukaie mzighaniri wa Hekalu ya BWANA, na kumfunga kula mundu wa isu, uo ukubonyagha moni kukaia mlodi kwa kilingo na izango ja chuma singonyi kwake.

NEHEMIA 9:26

“Ela hata huwo saki, wandu wako wikalegha kukusikira; wikaighalukia sharia yako nambai. Wikawibwagha walodi awo werewiwonyereghe, wikiwighoria wikughalukie oho. Wikakumenya oho ngelo kwa ngelo.

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

JEREMIA 44:16

“Ndedichaakusikira kwa agho malagho kwadighoria kwa irina ja BWANA;

JEREMIA 20:2

Niko Pashuri ukanikaba na kunifunganya na vilingo verekoghe Mbenge ya Wandu ya lughu aho Hekalunyi ya BWANA.

JEREMIA 2:30

Nawinekie wana wako adhabu, ela ndewicheetala kukuboisa weni. Mwawibwaghie walodi wenyu mmbeni, karakara na shimba ifondiagha.

2 MALAGHO GHA NGELO 16:10

Niko Asa ukajokwa ni machu aighu ya mlodi, ukamfunganya na vilingo va mudi, na kumngira jela, angu orekoghe na machu mabaa kwa wundu ghwa ilagho ijo. Ngelo iyo cheni, Asa ukawikoronga wandu wamu na ndighi.

1 WAZURI 22:27

muwizere, wimmbike umundu kifungonyi; wimneke mkate mtini na machi, hata nawuya kwa sere.”

1 WAZURI 19:14

Ukatumbulia, “Naabwaghwa ni iriso jako BWANA Mlungu Uwadie-Ndighi-Rose, kwa kukaia wandu wa Israeli wasighie malaghiro ghako.”

1 WAZURI 19:10

Ukatumbulia, “Naabwaghwa ni iriso jako BWANA Mlungu Uwadie-Ndighi-Rose; kwa kukaia wandu wa Israeli wasighie malaghiro ghako, wikachikanya madhabahu ghako, na kubwagha walodi wako kwa lufu. Idana naasighwa niekeri, nawo waawuyalola kunibwagha.”

1 WAZURI 18:13

Wele bwana wapo, ndekughorelo jingi seji ini mdumiki wako nerebonyereghe ingelo Jezebeli orekoghe ukiwibwagha walodi wa BWANA; seji nerewivisireghe walodi wa BWANA ighana jimweri, ngawivisa mbangenyi mirongo-misanu mirongo-misanu, na kuwijisha vindo na machi?

1 WAZURI 18:4

hata iji Jezebeli orekoghe ukiwibwagha walodi wa BWANA, Obadia orewivisireghe walodi ighana mbangenyi kwa kuwiwagha vipughi viwi va mirongo-misanu mirongo-misanu; ukakaia ukiwineka vindo na machi.)

MATHAYO 15:22

Ukacha muka umu Mkanaani wa isanga ijo, ukamzera kwa lwaka lubaa, “Ee Bwana, Mwana wa Daudi, kunifue wughoma; munjighe wapo wajishwa wasi nandighi ni pepo.”

MARKO 12:2

Kimu chekuwida zabibu chiendavika, ukaduma mdumiki wake kwa walimi, wimpatire ifungu ja mavalo gha mizabibu.

MARKO 12:4

Ukawidumia mdumiki mzima sena; nao moni wikam'bara lughuma lwa chongo, na kum'bonyera kiwiwi loli-loli.