MARKO 12:29 - Biblia Ilagho Jiboie Kwa Wandu Wose

²⁹ Jesu ukamtumbulia, “Momu ghwa imbiri nigho ughu: ‘Sikira Israeli! Bwana Mlungu odu ni Bwana umweri.

MARKO 12:29 Referans Kwoze

WUKUMBUSO 6:4

“Sikira ee Israeli: BWANA Mlungu odu ni BWANA umweri;

LUKA 10:27

Ukatumbulia, “Kumkunde Bwana Mlungu wako kwa ngolo yako yose, na kwa roho yako yose, na kwa ndighi rako rose, na kwa akili rako rose, na mmbenyu kumkunde sa iji kukukundagha kumoni.”

WAGALATIA 3:20

Idana mpatanishi ndekaiagha wa mundu umweri; ela Mlungu ni umweri.

WAROMA 3:30

Angu Mlungu ni umweri, nao uchawitala kukaia na hachi wandu wishamishiro kwa wundu ghwa irumirio jawo, na awo wiseshamishiro kwa chia ya ijo irumirio jawo wokoni.

JUDA 1:25

kwa uo Mlungu uekeri, Mkiri odu kwa chia ya Jesu Kristo Bwana odu, ndeghukaie wubaa, na wuzuri, na kubonya nguma, na kudima, imbiri ya ngelo rose, idana, hata kwa kala na kala. Amen.

1 WAKORINTHO 8:4

Wokoni na kuja vindo vifunyiro kizongona kwa milimu, isi damanya angu “Milimu si kilambo chingi,” na angu Mlungu ungi mzima ndeuko, ela umweri.

JAKOBO 2:19

Oho kwarumiria angu Mlungu ni umweri, kwabonya nicha. Hata pepo rarumiria, na kusughusika.

1 TIMOTHEO 2:5

Angu Mlungu ni umweri, na mpatanishi aghadi ya Mlungu na wandu ni umweri, uo mundu, Kristo Jesu;

WUKUMBUSO 30:6

Sena BWANA Mlungu onyu uchaboisa ngolo renyu na ra wana wenyu, mpate kumkunda BWANA Mlungu onyu kwa ngolo renyu rose, na kwa roho renyu rose, eri mpate kukaia moyo.

1 TIMOTHEO 1:5

Na malaghiro ghedu isi ni kukunda wikaie na lukundo ulo lufumagha kwa ngolo ielie, na nia iboie, na irumirio ja loli.

MATHAYO 23:9

Sena msakemmbanga mndungi ‘Aba’ aha ndoenyi, angu Ndeyo onyu ni umweri uko mlungunyi.

MATHAYO 10:37

“Uo umkundagha ndee angu mae kuchumba ini, ndenifwanaghaanduangi; na uo umkundagha mwana wa womi angu wa waka kuchumba ini, ndenifwanagha anduangi.

WUKUMBUSO 10:12

“Idana inyo wandu wa Israeli, sikirenyi seji BWANA Mlungu onyu ukunde. Mnekenyi ishima na kumuobua, M'bonye seji ukundagha; mumkunde na kumdumikia kwa ngolo renyu rose;

MAKATANISHO 23:26

Wika mafundisho ghapo ngolonyi kwako mwanwapo, kunughe mighendo yapo.

ZABURI 86:10

Oho koko m'baa, kubonyagha maza ra mashiniko; ni oho kuekeri kuko Mlungu.