MARKO 12:26 - Biblia Ilagho Jiboie Kwa Wandu Wose

²⁶ Ela kwa malagho gha wafu seji wirukishwagha, welee, jingi ndemshomie chuonyi cha Musa andu kuandikilo malagho gha kisachi chiakagha modo? Mlungu oremzerieghe Musa ‘Ini ne Mlungu wa Abrahamu, wa Isaaka na wa Jakobo’.

MARKO 12:26 Referans Kwoze

LUKA 20:37

Na kwa malagho gha kuruka kwa wafu, hata Musa wawonyere kwa malagho gha chija kisachi chereakagha modo, andu ummbangagha Bwana, kukaia Mlungu wa Abrahamu, Mlungu wa Isaaka, na Mlungu wa Jakobo.

KUZOYA 33:20

Ukaagha madhabahu ukaghiwanga irina jake El-Elohe-Israeli.

KUFUMA 3:16

Ghenda kuwikwanye waghosi wa Israeli chiaimweri kuwizere, ‘Bwana Mlungu wa weke ndeyo, Mlungu wa Abrahamu, wa Isaaka na wa Jakobo wanifutukie ukighamba, “Namerie kumzighana inyo na kuwona agho mwawuyabonyerwa Misri;

KUZOYA 32:9

Nao Jakobo ukalomba ukighamba, “Ee Mlungu wa wawa Abrahamu, na Mlungu wa aba Isaaka; ee BWANA, oho korenizerieghe, niwuke na kuwuya isangenyi mzedu kwa kichuku chapo, na oho kuchanibonyera nicha.

KUZOYA 31:42

Ngera Mlungu wa aba, Mlungu wa Abrahamu, na Mlungu wa Isaaka umuobuagha nderekaieghe luwaru lwapo, kumangu loli kwanighalishire mikonu miduu. Mlungu wawonie wasi ghwapo na wudumiki ghwapo, niyo sababu ukacha ukakukemia ikwau.”

KUZOYA 26:24

Nao BWANA ukamfutukia icho kio cheni ukamzera, “Ini ne Mlungu wa ndeyo Abrahamu, kusakeobua angu ini neko andwamweri na oho, nani nichakurasimia na kuchichuria kivalwa chako kwa wundu ghwa mdumiki wapo Abrahamu.”

MARKO 12:10

Welee, jingi ndemshomie iandiko iji? ‘Igho jija werejileghieghe waaghi, nijo jeni jawuya ibaa ja mbembenyi.

KUZOYA 28:13

Na BWANA ukakaia kimusi naighu yaro ukaghamba, “Ini ne BWANA, Mlungu wa ndeyo Abrahamu, na Mlungu wa Isaaka. Nichakuneka oho na kivalwa chako isanga iji kwawuyalala idana;

MARKO 12:25

Angu iji wafu wichaaruka, ndewichaalowua hata ndewichaalowolwa anduangi, ela wichakaia sa weke malaika wiko mlungunyi.

JOHANE 20:17

Jesu ukamzera, “Kusakeniwada, angu sijokie kande kwa Aba, ela ghenda kwa wanidu kuwighorie niajoka kwa Aba na Aba onyu; kwa Mlungu wapo na Mlungu onyu.”

WAROMA 11:2

Mlungu ndewileghie wandu wake awo orewimanyireghe kufuma imbiri. Wele ndemmanyire agho ghighorelo ni Maandiko aighu ya Elija seji orekoghe ukimvoya Mlungu aighu ya Israeli ukighamba,