MARKO 12:24 - Biblia Ilagho Jiboie Kwa Wandu Wose

²⁴ Jesu ukawizera, “Aho niko mwakosera, kwa kukaia mseghimanyagha Maandiko hata ndighi ra Mlungu anduangi.

MARKO 12:24 Referans Kwoze

JOHANE 20:9

Angu werekoghe wisetambukilo kande ni maa ndiko agho ghighambie angu suti uruke kufuma kwa wafu.

MATHAYO 22:29

Jesu ukawitumbulia, “Mwakosa kwa kulemwa ni kughimanya Maandiko na ndighi ra Mlungu.

WAEFESO 1:19

Na seji iro ndighi rake risepimikagha ring'ane andenyi kodu isi dirumiriagha, karakara na uko kubonya kazi kwa ndighi rake mbaa;

WAFILIPI 3:21

uo uchaaighalusa mimbi edu ya wunyonge ifwanane na mumbi ghwake ghwa wubaa, kwa iro ndighi rimdimishagha kuvibonya vilambo vose vikaie aisi kwake.

WAROMA 15:4

Angu ijo jose jereandikiloghe kala, jedeandikwa jikaie mafundisho kodu; dipate kukaia na isuwirio kwa chia ya kurumaghia na kukumbwa ngolo ni agho Maandiko.

MABONYO GHA WADUMI 17:11

Wandu awo werekoghe na suku kuchumba waja wa Thesalonike; wikajiwusa ilagho kwa ngolo mbaa, wikizighana-zighana Maandiko Ghielie kula ituku, wiwone ngera maza iro rerekoghe rikighorwa ni Paulo na Sila ni huwo koni.

MARKO 10:27

Jesu ukawizighana, ukawizera, “Kwa wadamu ndekudimikagha anduangi, ela kwa Mlungu kwadimika; angu kwa Mlungu maza rose radimika.”

HOSEA 6:2

Nyuma ya matuku awi uchadirukisha, na ituku ja kadadu uchadimangisha, dipate kukaia kimusi imbiri kwake.

JEREMIA 32:17

‘Aa e Bwana MLUNGU! Ni oho kuumbie mlungunyi na ndoenyi kwa ndighi rako mbaa na kwa mkonu ghwako ghwa kudima! Ndekuwadie ilagho jingi jisedimikagha kwako,

ISAYA 25:8

Bwana MLUNGU uchachiinja kifwa kwa kala na kala, nao uchariaghia mbori rose mesonyi kwawo, na kughiinja masholio gha wandu wake ndoenyi kose; kwa kukaia BWANA wajighora ilagho iji.

JOHANE 5:39

Mwadazighana-zighana Maandiko, mkiririkanya wei ghadima kumneka irangi ja kala na kala, nagho nigho ghinishuhudiagha ini;

LUKA 1:37

Angu ndekuwadie ilagho jingi jisedimikagha kwa Mlungu anduangi.”

HOSEA 13:14

Nichawikira awandu na wurumwengu ghwa wafu; nichawikombua na ndighi ra kifwa. Ee kifwa luvia lwako loko hao? Sichaakaia na wughoma ghungi,

HOSEA 6:6

Nadaboilwa ni lukundo lukatie kuchumba vizongona; nadaboilwa iji wandu wanimanya kuchumba kunifunyira vizongona vekora.

ISAYA 26:19

Wafu wako wichakaia moyo, mimbi yawo icharuka. Inyo wandu mkaiagha makaburinyi; wukenyi mmbore kwa kuboilwa! Kwa kukaia mami ghako BWANA ni gha mwengere; nagho kuchawinyeshera awo wafu wifue kokala.

DANIELI 12:2

Na wengi wa awo wimerie kufwa na kurikwa ndoenyi, wicharukishwa. Wamu wighende kwa irangi ja kala na kala, na wamu wighende andu kofushwa waya na kumenywa kwa kala na kala.

ISAYA 8:20

Mchawitumbulia, “Sikirenyi mafundisho na wushuhuda ghwa BWANA, msewisikire awa wandu, kwa kukaia malagho wighoragha ndeghine mwengere.”

KUZOYA 18:14

Welee, jeko ilagho jingi jikurie jisedimikagha kwa BWANA? Nichakuwuria kwa ngelo iwikilo kimu sa ichi, na Sara uchakuvaia mwana wa womi.”

HOSEA 8:12

Nawiandikie mafundisho ghisetalikagha; ela waawuyaghitala sa kilambo cha kighenyi.

MARKO 12:23

Welee, ngelo eruka-lee, uchakaia muka wa ani; angu wose mfungade weremlowueghe?”

MARKO 12:25

Angu iji wafu wichaaruka, ndewichaalowua hata ndewichaalowolwa anduangi, ela wichakaia sa weke malaika wiko mlungunyi.