MARKO 12:2 - Biblia Ilagho Jiboie Kwa Wandu Wose

² Kimu chekuwida zabibu chiendavika, ukaduma mdumiki wake kwa walimi, wimpatire ifungu ja mavalo gha mizabibu.

MARKO 12:2 Referans Kwoze

WAEBRANIA 1:1

Kufuma kokala, Mlungu oreghorieghe mando malazi na weke aba wedu kwa chia zima-zima, ukitumia walodi.

LUKA 20:10

Ngelo ekuwida zabibu iendavika, ukamduma mdumiki wake umu uneko matunda ghamu gha mbuwa ya mizabibu. Ela waja walimi wipangie, wikamkaba uja mdumiki na kummbunja usedwae kindo chingi.

LUKA 12:48

Ela uo useremanyireghe, na kubonya agho ghimfwanagha ukabo, uchakabwa kutini. Uo unekelo kwa wungi, kwake vichakotelwa kwa wungi; na kwa uo mundu wiwikagha kwa wungi, wichamkotia kwa wungi wokoni.

MATHAYO 21:34

Hata iji kimu cha makuwido chavika, ukawiduma wadumiki wake kwa walimi upate ifungu jake ja makuwido.

ZEKARIA 7:7

Agha malagho nigho gheni BWANA oreghighoragha ukitumia walodi wa imbiri, ingelo Jerusalemu erekoghe nicha ichulo ni wandu; ngelo wandu werekoghe wengi wikikaia mizinyi na mbai mbai yaro, na masanga gha kusinyi, na wurindinyi cha magharibi kirimbenyi cha mighondi.

MIKA 7:1

Ni duu tu; ini neeka sa mundu uko njala; usewonagha itunda jingi jasigharika mudinyi, angu zabibu ingi yasigharika mzabibunyi. Zabibu rose na tini risingie rawalwa putu.

JEREMIA 44:4

Nani nerewidumieghe wadumiki wapo walodi wose konyu sena na sena ngighamba, ‘Msebonye ughu wuwiwi niseghukunde.’

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

ZABURI 1:3

Mundu uo ooka sa mudi ghuwalo mbai na mbai ya meda, ghuvagha matunda gharo kwa kimu charo na malemba gharo ndeghiomagha. Wadawona nicha kwa maza rose ubonyagha.

EZRA 9:11

Dalemelo ni kuwadia malaghiro kudilaghirie kwa chia ya wadumiki wako walodi. Weredighorieghe kukaia isanga dawuyajiwusa ni isanga jiseelie, kwa kukaia wandu wawuyajikaia kufuma kutua uku hata kutua kuja wadabonya maza rizamie ra wuchafu.

2 MALAGHO GHA NGELO 36:15

BWANA, uo Mlungu wa weke ndee, orekoghe ukiwidumia wadumwa wake sena na sena, angu orekoghe na wughoma kwa wandu wake, na Andu kwake Kokaia.

2 WAZURI 17:13

Na BWANA orewikanieghe ukiwiwonyera Israeli na Juda kwa memu ya kula mlodi na kula mmboni ukighamba, “Ghalukenyi msighe chia renyu rizamie, muiwadie memu yapo na sharia rapo iro nerewilaghirieghe weke ndeyo na iro nerewidumieghe wadumiki wapo wimghorie.”

MARKO 12:1

Jesu ukazoya kughora nawo kwa mifwano. “Mundu umu orelimieghe mbuwa ya mizabibu, ukairighia masanju, ukakota kina chekamia zabibu, ukaagha mnara. Ukaipangisha mbuwa iyo kwa walimi, nao moni ukadamba cha isanga izima.

MARKO 12:3

Ela awo walimi wikammbwada, wikamkaba na kummbinga duu usedwae kindo chingi.