MARKO 12:17 - Biblia Ilagho Jiboie Kwa Wandu Wose

¹⁷ Nao Jesu ukawizera, “Mnekenyi Kaisari vilambo viko vake Kaisari, na Mlungu vilambo viko vake Mlungu.” Nao wikashinika loli-loli.

MARKO 12:17 Referans Kwoze

WAROMA 13:7

Wilipenyi iro riko hachi yawo, kodi kwa uo ufwanagha kodi, wushuru kwa uo ufwanagha wushuru, ishima kwa uo ufwanagha ishima, na kuobua kwa uo ufwanagha kuobolwa.

1 PETRO 2:17

Winekenyi ishima wandu wose. Mghukunde ghuja wumwanidu. Muobuonyi Mlungu, mnekenyi ishima mzuri.

WAROMA 6:13

Nenyo msevifunye via venyu kwa kubonya kaung'a, sa vombo vebonya mawiwi; ela mkufunye kwa Mlungu, sa wandu wifunyiro kifonyi na kungirwa iranginyi; na via venyu vikaie va Mlungu, sa vombo vebonya hachi.

MAKATANISHO 24:21

Mwana wapo, kumuobuo BWANA na mzuri, hata kuseleghe kumsikira ungi wawo;

WAROMA 12:1

Kwa huwu wanidu, namvoya kwa wundu ghwa wughoma mungi ghwa Mlungu, muifunye mimbi yenyu ikaie sa kizongona chiko moyo; chielie, chirumirilwagha ni Mlungu; nako niko kutasa konyu kwa loli.

MATHAYO 22:46

Aho ndekorekoghe na mndungi oredimieghe kumtumbulia ilagho jingi. Na kufuma ituku ijo mndungi nderemkotereghe ilagho jingi sena anduangi.

MATHAYO 22:22

Nao iji weresikireghe agho wikashinika, wikamsigha wikaghenda chia rawo.

MALAKI 1:6

BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’

MARKO 12:30

Kumkunde Bwana Mlungu wako kwa ngolo yako yose, kwa roho yako yose, kwa akili rako rose na kwa ndighi rako rose.’

MATHAYO 22:33

Nao iji izungu wasikira agho, wikaghishinikia mafundisho ghake.

MAKATANISHO 23:26

Wika mafundisho ghapo ngolonyi kwako mwanwapo, kunughe mighendo yapo.

MATHAYO 8:10

Jesu uendasikira agho, ukashinika ukawizera wandu werekoghe wikimnugha, “Namghoria loli, jingi siwonie mndungi kwa Israeli uko na irumirio sa iji anduangi.

MATHAYO 22:21

Wikaghamba, “Ni va Kaisari.” Nao ukawizera, “Kwa huwu mnekenyi Kaisari vindo va Kaisari na Mlungu vindo va Mlungu.”

MARKO 12:16

Nao wikamredia. Nao moni ukawikotia, “Welee, fwana ihi na iandiko iji ni vani?” Wikamtumbulia, “Ni va Kaisari.”

LUKA 20:25

Jesu ukawizera, “Kwa huwu mlipenyi Kaisari vilambo va Kaisari, na Mlungu vilambo va Mlungu.”