MARKO 12:13 - Biblia Ilagho Jiboie Kwa Wandu Wose

¹³ Nao Mafarisayo wamu na Wanjama wa Herode wikadumwa wimdeghe Jesu kwa madedo ghake.

MARKO 12:13 Referans Kwoze

LUKA 11:54

na kumlaliria kwa agho madedo mengi wipate ilagho jimu kwake ja kumshitakia.

MARKO 3:6

Nao ahoeni Mafarisayo wikafuma wikabonya njama na Wanjama wa Herode, seji widimagha kum'bwagha Jesu.

MARKO 8:15

Jesu ukawilaghira ukighamba, “Zighanenyi mkulindie na chachu ya Mafarisayo na ya Herode.”

MATHAYO 16:6

Jesu ukawizera, “Manyenyi mkulindie na chachu ya Mafarisayo na ya Masadukayo!”

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

ISAYA 29:21

Mlungu uchawitotesha awo wandu wiwighushagha wambao kwa kuwizighiria, awo wiwideghiagha shaghala wandu wikemiagha wuwiwi; uchawitotesha awo wandu wiwilaghashagha wandu wa loli na malagho maduu.

ZABURI 140:5

Wandu wikukasire wavisire mdegho kwa wundu ghwapo; wafungie nyavu wikaiala, na kuniwikia shaghala achienyi.

ZABURI 38:12

Wandu wilolagha kunibwagha wanideghia midegho; awo wilolagha kunishoghonua waja malagho gheninona; nawo wasinda wikinibonyera mipango izamie.

MARKO 12:14

Nawo wiendavika, wikamzera, “Mwalimu, dakumanya oho koko mloli, hata ndekuobuagha angu kutala wubaa ghwa mndungi anduangi, ela kwadafundisha kwa loli chia ya Mlungu. Welee, keni ni hachi kulipa kodi kwa Kaisari angu siko kungi?