MARKO 10:52 - Biblia Ilagho Jiboie Kwa Wandu Wose

⁵² Jesu ukamzera, “Ghenda chia rako, irumirio jako jakuboisa.” Nao ahoeni ukazoya kuwona, ukamnugha Jesu chienyi.

MARKO 10:52 Referans Kwoze

MATHAYO 9:22

Nao Jesu ukaghaluka ukammbona ukamzera, “Mwai, kaia na ngolo, irumirio jako jakuboisa.” Nao uja muka ukaboa saa ija cheni.

LUKA 7:50

Nao ukamzera muka, “Irumirio jako jakukira, kwende na sere.”

MARKO 8:25

Aho ukammbikiria mikonu indo ja kawi mesonyi kwake, ukazighana na ndighi, ukaboa; nao ukawona vilambo vose nicha.

MARKO 5:34

Jesu ukamzera, “Mwai, irumirio jako jakuboisa. Ghenda na sere, kuboo putu wukongo ghwako.”

JOHANE 9:32

Na jingi ndeisikirikie kufuma wurumwengu ghwaumbwa wei mndungi wamtambuye meso mundu uvalo kitungure.

MATHAYO 15:28

Ahoeni Jesu ukamzera, “Ee muka, irumirio jako ni ibaa, ndeikaie kwako sa iji koni kwakunda.” Uja mnjighe wake ukaboa saa ija cheni.

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

MARKO 1:31

Nao ukacha, ukammbwada mkonu, ukammbusira na homa ikamsigha; ukawidumikia.

MATHAYO 21:14

Niko vitungure na wakelemeri wikamchea Hekalunyi, nao ukawiboisa.

MATHAYO 12:22

Nao ahoeni wandu wikamredia Jesu mndumu kitungure sena uko kituri, angu orekoghe na pepo izamie. Jesu ukam'boisa hata ukawona na kudeda wori.

JOHANE 9:39

Nao Jesu ukaghamba, “Ini nerechieghe wurumwengunyi kutanya, awa wisewonagha wipate kuwona, na awa wiwonagha wiwuye vitungure.”

MATHAYO 11:5

Vitungure vawuyawona, wakelemeri wawuyaghenda, awa wiko na sima waawuyaeleshwa, awa wifue madu waawuyasikira, wafu waawuyarukishwa, na wakiwa wachililwa Ilagho Jiboie.

ISAYA 35:5

Niko aho meso gha vitungure ghichatambulwa, na madu gha wandu wisesikiragha ghichafunguka;

ZABURI 146:8

na kuwitambua vitungure meso. BWANA wadawiwusira awo wighwaghwa; na kuwikunda wahachi.

ZABURI 33:9

Iji oreghorieghe, wurumwengu ghorebonyekieghe; ukafunya momu, ghukamangishwa.

LUKA 9:48

ukawizera, “Uo ose uchaammbusa mwanake uhu kwa irina japo, uaniwusa ini; na uo ose uniwusagha ini, uammbusa uo orenidumieghe. Angu uo uko mtini putu aghadi konyu, nuo moni m'baa.”

MATHAYO 8:3

Jesu ukaghorua mkonu ghwake ukamuadada ukighamba, “Nakunda; eleshwa oho.” Nao shwa uja mundu ukaeleshwa.