MARKO 10:49 - Biblia Ilagho Jiboie Kwa Wandu Wose

⁴⁹ Jesu ukadunga maghu, ukaghamba, “Mmbangenyi.” Nao wikammbanga uja mundu ufue meso wikamzera, “Kaia na ngolo; wuka wakuwanga.”

MARKO 10:49 Referans Kwoze

LUKA 18:40

Jesu ukadunga maghu, ukafunya momu uja mundu ufue meso uredo kwake. Hata iji wacha kaavui Jesu ukamkotia,

JOHANE 11:28

Nyuma ya Marita kughora huwo, ukaghenda kummbanga mruna Maria kwa kiviso ukamzera, “Mwalimu oko aha wakuwanga.”

WAEBRANIA 2:17

Kwa huwo, eremfwaneghe ufwananisho na waruna kwa kula chia, eri upate kukaia Mkohani M'baa uwadie wughoma, na uko mloli kwa wudumiki ghwa Mlungu, na kulipia kaung'a ra wandu.

ZABURI 145:8

BWANA ni wa mvono na wughoma; ndebonyagha machu shwa-shwa, nao wachua lukundo lukatie.

ZABURI 86:15

Ela oho ee BWANA koko Mlungu wa wughoma na mvono; wa mboa kubonya machu na wa lukundo lukatie na wuloli.

WAEBRANIA 4:15

Angu uo Mkohani M'baa diko nao, ndedimagha kulemwa ni kuwadwa ni wughoma kwa wundu ghwa wunyonge ghodu anduangi; ela uo oretimiloghe kwa kula chia seji koni dawuyatimwa, ela nderebonyereghe kaung'a anduangi.

MATHAYO 9:2

Nao wandu wamu wikamredia mkelemeri wa kupooza walala wulinyi. Jesu uendawona irumirio jawo ukamzera uja mkelemeri, “Kaia na ngolo mwanwapo, kaung'a rako ralekwa.”

MARKO 10:50

Nao ukada nguwo yake, ukarama shwa, ukamchea Jesu.