MARKO 10:24 - Biblia Ilagho Jiboie Kwa Wandu Wose

²⁴ Wanughi wake wikaghishinikia madedo ghake. Ela Jesu ukawizera sena, “Wanake, kwakurie saki kungia kwa Wuzuri ghwa Mlungu!

MARKO 10:24 Referans Kwoze

MAKATANISHO 11:28

Uo ukusaghikagha na mali rake, richasia, ela mhachi, uchadeghedeka sa ilemba iwishi.

WUFUNUO 3:17

Angu oho kwaghamba, ‘Ini nawadie mali, nachurikie hata sine haja na kilambo chingi;’ kusemanyagha kukaia oho ko mundu wa wasi, owasira wughoma, mkiwa, kitungure, na kuko duu.

1 TIMOTHEO 6:17

Kuwilaghire awo wandu wiko na mali andenyi ya wurumwengu ughu wisakekukasa, hata wisakewika isuwirio jawo kwa mali riidagha, ela wijiwike kwa Mlungu, uo udinekagha vindo vose kwa wungi dipate kuboilwanya navo.

ZABURI 52:7

“Wonenyi mundu uleghie kum'bonya Mlungu ukaie andu kwake kokimbiria; ukadakusaghika na wungi ghwa mali rake, na kukusaghika na wuwiwi ghwake.”

LUKA 16:14

Nao iji Mafarisayo wereghisikireghe agho, nawo ni wandu wikundagha mali, wikamseka kwa lumenyo.

MAKATANISHO 18:11

Mzuri wa mali wadaririkanya wei mali rake richamlindia, sa wurigha ghwa muzi ghuko ighu.

ZABURI 62:10

Mserumirie chia etumia ndighi, angu kukaia na isuwirio kwa chia esoka; mali rikachurikia msakerisuwiria.

1 JOHANE 2:1

Wana wapo watini, namuandikia agha eri msebonye kaung'a; ela ngera mndungi wabonya kaung'a, deko na mdederii kwa uja Aba, Jesu Kristo uja Mhachi,

JOHANE 13:33

“Wanake, ngelo ekanya nenyo yasighwa ndinieri. Mchanilola, nani namghoria sa iji koni nereghorieghe vilongozi va Wayahudi, ‘Andu nighendagha, inyo ndemdimagha kucha anduangi.’

ZEFANIA 1:18

Ituku ijo, BWANA uchawonyera lubio lwake; feza na dhahabu rawo nderichaadima kuwikira. Ndoenyi kose kuchamerelwa ni modo ghwa machu ghake. Uchameria kula kilambo ghafla; uchameria kula umu ukaiagha ndoenyi.

HABAKUKI 2:9

Ni bugha kwako kuredagha mali ra wuwiwi nyumbenyi kwako na kwa iro kutima kuwika muzi ghwako nicha ghusepato ni mawiwi.

JEREMIA 9:23

BWANA waghora huwu, “Mndungi uko na hikima usekukase kwa wundu ghwa hikima yake; hata mundu uko na ndighi usekukase kwa ndighi rake, hata mndungi uko mzuri wa mali usekukase kwa wundu ghwa mali rake.

MAKATANISHO 23:5

Kwadima kuriwona, kuwuye kurisowe; riakaia seji raabuka mawawa na kuburuka cha mawingunyi sa indu.

ZABURI 17:14

Kunikire na wandu wawiwi ee Bwana, awo wiko na kula kilambo wichikunde; kuwineke makabo ghikate, agho kughiwikie kwa wundu ghwawo; ghidimagha kuwikata wana wawo, hata na weke wawae.

1 JOHANE 5:21

Wanake watini, mkulindie na milimu.

1 JOHANE 4:4

Wanake watini, inyo mo wa Mlungu, nenyo mwawisimie awo walodi wa tee, angu uo Roho uko andenyi konyu, ni m'baa kuchumba uo roho uko wurumwengunyi.

WAGALATIA 4:19

Wana wapo nimkunde, nakaia na luwawo sa lwa muka ukumbagha lufu kwa wundu ghonyu, hata Kristo uumbike andenyi konyu.

JOHANE 21:5

Jesu ukawikotia, “Wanake, mwawada samaki ringi?” Wikatumbulia, “Hata!”

JOHANE 6:60

Wengi wa wanughi wake wiendasikira malagho agho wikaghamba, “Agho mafundisho ghakurie; nani udimagha kughisikira?”

MATHAYO 19:25

Waja wanughi wiendasikira agho, wikashinika na kumkotia, “Idana nani udimagha kukia?”

MARKO 1:27

Wose wikashinika, wikakotiana wikighamba, “Ni ilaghoki iji? Si mafundisho mawishi agha? Kwa nguma, walaghira pepo ra makakala, naro ramsikira.”

MARKO 10:23

Jesu ukazighana chia rose, ukawizera wanughi wake, “Kuchakua nandighi saki kwa wandu wiko na mali kungia kwa Wuzuri ghwa Mlungu!”