MARKO 10:21 - Biblia Ilagho Jiboie Kwa Wandu Wose

²¹ Nao Jesu ukamzighana kwa lukundo, ukamzera, “Ola kwasowa wundu ghumweri: ghenda kuuze ivo vose kuko navo, kuwineke wakiwa, na oho kuchakaia na mali mlungunyi; konyuma kuche kuninughe.”

MARKO 10:21 Referans Kwoze

WUFUNUO 2:4

Ela neko na ilagho na kumoni, kukaia kwamerie kulusigha luja lukundo korekoghe nalo imbiri.

LUKA 10:42

jeekundika ilagho jimweri tu, Maria waasaghua ifungu icha, najo ndechaasokwa ni mndungi anduangi.”

JAKOBO 2:10

Angu mundu uo ose uiwadiagha Sharia yose nao ulemo ni imu, uchakaia mkosi wa iyo Sharia yose.

MABONYO GHA WADUMI 2:45

Wikauza mali rawo, na vilambo vawo, wikawaghiana wose kula mundu seji orekundieghe.

LUKA 18:22

Jesu uendasikira agho ukamzera, “Kwasighwa ilagho jimweri; uza vose kuko navo kuwiwaghie wakiwa, na oho kuchakaia na mali mlungunyi, sena kuche kuninughe.”

MATHAYO 16:24

Niko Jesu ukawizera wanughi wake, “Mndungi ukakunda kukaia mnughi wapo, suti ukukane uo moni, ughuduke msalaba ghwake uninughe.

WUFUNUO 2:20

Ela neko na ilagho na kumoni; kwaduanyagha na uo muka Jezebeli, uo ukuwangagha moni mlodi, nao waawuyafundisha na kuwikalia wadumiki wapo wikuzaisire kulaka, na kuja vindo vifunyiro kizongona kwa milimu.

WUFUNUO 2:14

Ela neko na malagho matini aighu yako: kokwanye na wandu wamu aho wawuyanugha mafundisho gha Balaamu uo oremfundishireghe Balaki kuwikuwara wandu wa Israeli, eri wipate kuja vindo vifunyiro kizongona kwa milimu, na kukuzaisira kulaka.

WAEBRANIA 10:34

Angu morekoghe na wughoma na wafungwa, mkarumiria kusokwa mali renyu kwa kuboilwa; kwa kukaia inyo mmbeni moremanyireghe angu moko na mali riboie kuchumba, riduagha.

LUKA 12:33

Uzenyi ivo muko navo, mfunye makuwio, mkubonyere mmbeni vikuchu viserashukagha, mkuwikie mali mlungunyi andu risechaasia jingi, na vitoi viseiwagha, hata soya ingi isenonagha anduangi.

MARKO 8:34

Nao ukajiwanga jija izungu andwamweri na wanughi wake wimchee, ukawizera, “Ngera mundu wakunda kuninugha, ukukane uo moni, ughuduke msalaba ghwake, uninughe.

MAKATANISHO 23:23

Kughuo loli, ela kuseiuze; pata hikima, mafundisho, na kutambukilwa.

LUKA 19:41

Nao iji wavika kaavui na ghuja muzi na kughuwona ukaghulilia,

LUKA 9:23

Nao ukawizera wose, “Ngera mndungi wakunda kunughana nani, ndekukane uo moni, ughuduke msalaba ghwake matuku ghose uninughe.

MATHAYO 19:21

Jesu ukamzera, “Iji kukunde kukaie kukatie putu, kughende kuuze mali rako rose, kuwineke wakiwa, na oho kuchakaia na mali mlungunyi, sena kuche kuninughe.”

2 WAKORINTHO 12:15

Ini neko tayari kutumia ichi niko nacho kwa kuboilwa, na hata kukufunya ini moni kwa wundu ghwa roho renyu. Welee, ikakaia nimkunde nandighi huwo, ini muanikunda kuting'ini?

JOHANE 16:33

Namghoria malagho agha, mpate kukaia na sere andenyi kwapo; mchakaia na wasi wurumwengunyi, ela kaienyi na ngolo, ini naghusima wurumwengu.”

JOHANE 12:26

Uo ose ukundagha kunidumikia, ni suti uninughe ini, na andu nichaakaia ini, nikokoni na mdumiki wapo uchaakaia wori; mndungi ukanidumikia, uo moni uchabonyerwa ishima ni Aba.”

LUKA 16:9

“Nani namzera, mkubonyere mmbeni waghenyi kwa chia ya mali risene hachi ra ndoenyi, hata iji rasia, wipate kumkaribisha kwa malalo gha kala na kala.

2 TIMOTHEO 3:12

Na loli, awo wikunde kudua na irangi jemuobua Mlungu andenyi ya Kristo Jesu, wichatirirwa

KUZOYA 34:19

hata uja mdawana nderemukieghe luma kujikatisha ilagho ijo, angu orekoghe ukiboilwa ni mwai wa Jakobo loli-loli. Nao nuo orekoghe mundu unekelo ishima kuchumba wose nyumbenyi kwawo.

MARKO 10:22

Ela ukaghusha makunya kwa wundu ghwa ilagho jija, ukaghenda na wasi, angu orekoghe na mali nyingi.