MARKO 1:35 - Biblia Ilagho Jiboie Kwa Wandu Wose

³⁵ Nao nakesho, Jesu ukawuka kokesho kio, ukafuma, ukaghenda andu kusewadie wandu, kulomba Mlungu.

MARKO 1:35 Referans Kwoze

LUKA 6:12

Matuku agho, Jesu ukajoka mghondinyi kulomba, ukalomba Mlungu kio chee.

WAEFESO 6:18

Lombenyi kwa Roho tuli tuli; kwa kulomba na kuvoya kose, mkicheresha aighu ya agho kwa kurumaghia kose, na kuvoya kwa wundu ghwa waeli wose.

LUKA 5:16

Nao ukaghenda andu kusewadie wandu, ukalomba Mlungu.

ZABURI 5:3

Kwadasikira lwaka lwapo nakesho ee BWANA. Nadabonya malombi luma lwa nakesho na kuweseria, na kuzighanira.

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

JOHANE 6:15

Jesu ukimanya angu wandu werekundieghe kummbwada na kum'bonya mzuri, ukafuma aho, ukajoka sena cha mghondinyi uekeri.

MATHAYO 14:23

Nyuma ya kulaghana nawo, ukajoka mghondinyi uekeri upate kulomba Mlungu. Hata iji luma lwa kenyi lwavika, orekoghe uekeri aho;

WAFILIPI 2:5

Kaienyi na nia iyo cheni erekoghe andenyi ya Kristo:

JOHANE 4:34

Jesu ukawizera, “Vindo vapo ni kubonya lukundo lwa uo orenidumieghe na kuimeria kazi yake.

ZABURI 109:4

Hata ngera nawikunde, na kuwilombia, ela waawuyanishitakia.

MATHAYO 14:13

Nao iji Jesu wasikira malagho gha Johane, ukafuma aho kwa ishua ukaghenda andu kusewadie wandu. Ela wandu wikamanya wikamnugha kwa maghu kufuma mizinyi.

MARKO 1:36

Nao Simoni na awo werekwanyeghe, wikafuma wikimlola;