MARKO 1:14 - Biblia Ilagho Jiboie Kwa Wandu Wose

¹⁴ Nyuma ya Johane kuwadwa na kungirwa kifungonyi, Jesu oreghendieghe Galilaya, ukichila Ilagho Jiboie ja Mlungu,

MARKO 1:14 Referans Kwoze

MATHAYO 4:23

Nao Jesu ukaghenda Galilaya kose ukifundisha andenyi ya sunagogi rawo, ukichila Ilagho Jiboie ja Wuzuri ghwa Mlungu. Ukaboisa kula mbari ya makongo na saka rerekoghe kwa wandu.

MATHAYO 4:12

Jesu uendasikira angu Johane wameria kungirwa kifungonyi, ukaghenda cha Galilaya.

WAEFESO 2:17

Na Kristo ukacha, ukachila sere konyu inyo morekoghe kula, na wokoni kwa awo werekoghe kaavui.

LUKA 8:1

Konyuma Jesu ukamara-mara mizinyi mibaa na mitini ukichila na kueresha Ilagho Jiboie ja Wuzuri ghwa Mlungu, na waja wanughi ikumi na wawi werekoghe aeni.

MABONYO GHA WADUMI 28:23

Hata iji wadumbua ituku jekwana nao, wikacha wandu walazi nyumbenyi kwake. Paulo ukawighoria agho malagho kufuma nakesho hata luma lwa kenyi; ukiwishuhudia malagho gha Wuzuri ghwa Mlungu, na kutima kuwibonya wirumirie malagho gha Jesu kwa kutumia Sharia ya Musa na maandiko gha walodi.

MATHAYO 9:35

Nao Jesu ukaghenda mizi yose mibaa na mitini, ukifundisha andenyi ya sunagogi rawo na kujichila Ilagho Jiboie ja wuzuri ghwa Mlungu; ukaboisa makongo na manyonge gha mbari rose.

MABONYO GHA WADUMI 20:25

“Nani idana namanya angu inyo mmbose niidie aghadi konyu ngimchilia Wuzuri ghwa Mlungu, ndemchaaniwona sena anduangi.

MATHAYO 14:2

Ukawizera wadumiki wake, “Uo ni Johane M'baputizi waruka kufuma kwa wafu; kwa wundu ughu ndighi iri rabonya kazi andenyi kwake.”

LUKA 3:20

Na Herode ukachuria agho mawiwi ghake kwa kumngira Johane kifungonyi.

MATHAYO 11:2

Johane uko kifungonyi, uendasikira malagho gha mabonyo gha Jesu, ukawiduma wamu wa wanughi wake kwa Jesu wimkotie,

MATHAYO 4:17

Nao kufuma aho Jesu ukazoya kuchila ukighamba, “Heenyi, angu Wuzuri ghwa Mlungu ghwavika kaavui.”

WAROMA 1:1

Ini Paulo, mdumiki wa Jesu Kristo, niwangilo nikaie mdumi na kuwikwa kwa wundu ghojichila Ilagho Jiboie ja Mlungu.