MALAKI 4:3 - Biblia Ilagho Jiboie Kwa Wandu Wose

³ Ituku nichaakatisha agho, mchawifasha-fasha wawiwi aisi ya maghu ghenyu.

MALAKI 4:3 Referans Kwoze

AYUBU 40:12

Mzighane kula mundu ukujosere kumsere; kuwifashe wawiwi andu koni wiko.

WAROMA 16:20

Na Mlungu uo uredagha sere uchamfasha Shetani aisi ya maghu ghenyu kafwani. Mvono ghwa Bwana Jesu Kristo ndeghukaie andwamweri nenyo.

MALAKI 3:17

BWANA Uwadie-Ndighi-Rose waghamba, “Wichawuya wandu wapo ituku jija nichaabonya maza iro; wichakaia wapo weni. Nichawifuya wughoma seji ndee mwana umfuyagha wughoma mwana wake umdumikiagha.

ZEKARIA 10:5

Wandu wa Juda wichakaia wasimi sa masikari wifashagha wamaiza wawo a mazozonyi chienyi. Wichalwa na kuwisima wajoki farasi, angu BWANA oko andwamweri nawo.

MIKA 7:10

Niko m'maiza wapo uchawona na kufwa waya; uo oreghambagha, “BWANA Mlungu wake oko hao?” Nichammbona ukiwadilwa andonyi sa mazozo gha chienyi.

MIKA 5:8

Wandu wisigharikagha wa Israeli aghadi ya iro mbari zima, wichakaia sa shimba ilolagha vindo akilembenyi, nayo yadangiria ng'ondi na kurirashua viluponge, hata isuwirio jingi jekia jisoweke.

ISAYA 26:6

Maghu ghawadia ugho muzi, agho maghu gha wakiwa, milambo ya wandu wisewadie kindo chingi.

WUFUNUO 14:20

zabibu rikakamwa andenyi ya chombo chekamia shighadi ya muzi, na bagha ikafuma chombonyi, ikasalama wukula ghwa kilometa maghana adadu, na wuighu kaavui meta iwi.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

DANIELI 7:27

Niko wuzuri, na nguma rose na wubaa ghose ghwa agho mawuzuri gha ndoenyi ghichaanekwa waeli, awo wandu wa Uo Uko Aighu Na Ndighi, na wuzuri ghwawo ghuchakaia ghwa kala na kala. Wabonyi nguma wose wa ndoenyi wichawidumikia na kuwisikira.’

DANIELI 7:18

Ela waeli wa Uo-Uko-Aighu-Nandighi wichapata ugho wuzuri, na kukaia nagho kwa kala na kala.’

EZEKIELI 28:18

Korenonieghe malalo ghako gha wueli, kwa wundu ghwa biashara yako isewadie hachi; na kwa wundu ghwa mawiwi ghako mengi; niko ngafunya modo aghadi kwako ghukakukora, ngakuwunja maivu andoenyi mesonyi kwa wose werekuwonieghe.

ISAYA 25:10

BWANA uchaghulindia ughu mghondi, na wandu wa Moabu wichawadilwa sa nyasi andenyi ya kina cha mboleo.

ZABURI 91:13

Kuchawadia shimba na mwaropo; kuchafasha-fasha mwana wa shimba na choka ya wusungu.

2 SAMUELI 22:43

Nawikabie ngawifasha wikawuya sa teri ya ndoe; nerewifashireghe na kuwichandiria sa mazozo gha chienyi.

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

2 SAMUELI 22:39

Nerewimerieghe ngawikumba noko, wikalemwa ni kuwuka; wereghueghe aisi ya maghu ghapo.

ZABURI 49:14

Wawikilo kufwa karakara na ng'ondi; kifwa chichakaia mlisha wawo. Wandu wa hachi wichawibonyera nguma kafwani, mimbi yawo ichawoa, na andu kwa wafu kuchakaia muzi ghwawo.

KILILO CHA JEREMIA 1:15

“BWANA wawisekie masikari ghapo ghose ghiwadie ndighi; wadumie ijeshi jinone wandu wapo wa irika, wawifashire wandu wapo sa zabibu rakumbwa kidunyi.

ZABURI 147:6

BWANA wadawiwusira awo wighushiro, na kuwikumba wawiwi andonyi.