MALAKI 4:2 - Biblia Ilagho Jiboie Kwa Wandu Wose

² Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MALAKI 4:2 Referans Kwoze

JEREMIA 33:6

Olenyi nichaghuredia ughu muzi wuboisi na wubanana, nani nichawiboisa wandu waro na kuwiwonyera wungi ghwa mecha na wulindiri.

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

ISAYA 30:26

Na aighu ya agho, mwengere ghwa mori ghuchakaia sa ghwa iruwa, na iruwa jichachurikia mwengere ghwaro mando mfungade, sa mwengere ghwa matuku mfungade ghwakwanywa chiaimweri ingelo BWANA uchaafunga na kuboisa wandu wake, wereshoghonologhe ni ijo ikabo jake.

LUKA 1:78

kwa chia ya wughoma mungi ghwa Mlungu odu, ngelo mwengere ghuchaadichea kufuma aighu,

JOHANE 8:12

Jesu ukawizera Mafarisayo sena, “Ini nuo mwengere ghwa wurumwengu, uo uninughagha ini na jingi ndechaaghenda na kira anduangi, ela uchakaia na mwengere ghwa irangi.”

ISAYA 53:5

Ela odeshoghonolwa kwa wundu ghwa makosa ghedu, na kuvonolwa kwa wundu ghwa mawiwi ghedu; orenekeloghe adhabu kwa wundu ghwa kuboiswa kodu na kwa makabo ghake, dereombochokieghe.

MALAKI 3:16

Niko awo wandu wimuobuagha BWANA wikadedanya, na BWANA ukawisikiria; ukasikira malagho werekoghe wikighora imbiri kwake. Chuo cha wukumbuso ghwa awo weremuobuagha BWANA na kumneka ishima chikaandikwa.

WUFUNUO 22:16

“Ini Jesu namduma malaika wapo ughighorie makanisa maza iri. Ini ne wa kivalwa cha Daudi; iyo nyerinyeri ing'alaa-ng'ala ya luma lwa nakesho.”

JOHANE 1:4

Andenyi kwake Uo korekoghe na Irangi, najo ijo irangi jerekoghe mwengere ghwa wadamu.

2 SAMUELI 23:4

uchawing'alia sa mwengere ghwa luma lwa na kesho, sa iruwa jing'alaa-ng'ala ngelo ndoe yakombwa nakesho; na kubusa nyasi mbishi nyuma ya kunyelwa ni vua.”

WUFUNUO 22:2

ghadi na ghadi ya chia mbaa ya ugho muzi. Wokoni mbai na mbai ya ugho moda iichia na iichia korekoghe na mudi ghwa irangi, ghuko na matunda gha mbari ikumi na iwi; nagho ghwadava kula mori, na malemba gharo ghadaboisa wandu wa mbari rose.

2 PETRO 1:19

Na ijo ilagho ja wulodi, jikachuria kuwoneka kukaia ja loli kuchumba. Nenyo mchabonya nicha mkajizighana, seji mzighanagha taa ikiaka andu kwa kira; hata jija Ituku jiche, na nyerinyeri ya luma lwa nakesho ibuke ngolonyi konyu.

RUTHU 2:12

BWANA ndekulipe kwa wundu ghwa agho ghose kubonyere; ukulipe malipo ghikatie kufuma kwa BWANA Mlungu wa Israeli, uo kwacha kukusaghika nao.”

WUFUNUO 2:28

nani nichamneka ija nyerinyeri ya luma lwa nakesho.

ZABURI 147:3

Wadawiboisa awo wibwaghilo ngolo, na kuwifunga ngoru rawo.

ZABURI 103:3

Uo wadanifuya wughoma kaung'a rapo rose, na kuniboisa makongo ghapo ghose.

MATHAYO 11:5

Vitungure vawuyawona, wakelemeri wawuyaghenda, awa wiko na sima waawuyaeleshwa, awa wifue madu waawuyasikira, wafu waawuyarukishwa, na wakiwa wachililwa Ilagho Jiboie.

ISAYA 35:6

mkelemeri ucharama-rama sa shaa, na kituri uchabora kwa kuboilwa. Kwa kukaia machi ghichabuka kireti, na ndoria ra machi richakaia andu kuomie;

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

MABONYO GHA WADUMI 13:47

Angu niko Bwana udilaghirie ukighamba: ‘Nakuwika oho kukaie mwengere ghwa wandu wa mbari zima, eri kurede kukia ndoenyi kose.’”

JOHANE 9:4

Ni suti dibonye kazi rake Uo orenidumieghe ndoe iko dime, angu kio chichacha, mndungi usechaadima kubonya kazi anduangi.

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

HOSEA 6:1

Wandu waghamba, “Nndokonyi dimmburie BWANA! Wadivavirie, ela uchadiboisa. Wadishoghonue, ela uchadifunga kushoghonoka kodu.

EZEKIELI 47:12

Mbai na mbai ya ugho moda chia rose, midi ichakaia ikizoghua ya kula kichuku kuneka wandu vindo. Malemba gharo ndeghichaanyaya, hata midi yaro ndeichaasigha kuva matunda, ela ichakaia ikiva matunda kula mori, kwa kukaia yadanywa machi gha moda ghufumagha Hekalunyi. Matunda gharo ghichakaia vindo, na malemba gharo ghichakaia wughanga ghoboisa makongo.”

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

ISAYA 9:2

Isanga ja kichuku cha Zebluni na Naftali weresumbukieghe ngelo rimu, ela ngelo ra kutua ra isanga iji jichakaia ja ishima kufuma mashariki ya Mediterania hata isanga jiko kimonu cha Jordani, hata Galilaya ya mbari zima.

MAKATANISHO 4:18

Ela chia ya wahachi ni sa mwengere ghwa ndoe kuela; ghuchuriagha kung'ala-ng'ala hata dime ivike.

ZABURI 85:9

Loli oko tayari kuwikira awo wimuobuagha, eri wubaa ghwake ghupate kudua isangenyi kodu.

ZABURI 67:1

Mlungu ndediwonie wughoma na kudirasimia; ndeghubonye wushu ghwake ghung'ale-ng'ale kodu.

WUFUNUO 11:18

Wandu wa iro mbari werezamiloghe na ndighi; ela ngelo ya machu ghako yavika, na ngelo ya wafu kutanywa; kupate kuwineka mafungu ghawo awo walodi na waeli, na awo wijiobuagha irina jako wose, wabaa na watini; na kwa wundu ghowinona awo wanoni wa ndoenyi.”

1 JOHANE 2:8

Ela sena namwandikia momu mmbishi ugho ghuko ghwa loli andenyi kwake, na andenyi konyu wori; kwa kukaia kira chaawuyaida, na mwengere ghwa loli ghwaawuyang'ala-ng'ala.

2 PETRO 3:18

Ela mzoghuo andenyi ya mvono, na uko kummanya Bwana na Mkiri odu Jesu Kristo. Kwake uo, ndeghukaie ghuja wubaa, kufuma idana, hata kwa kala na kala. Amen.

2 WATHESALONIKE 1:3

Deko na suti emfunyira Mlungu chawucha matuku ghose kwa wundu ghonyu wanidu, sa iji koni ifwanagha; kwa kukaia irumirio jenyu jaawuyazoghua kwa wungi, na lukundo luko aghadi konyu kwa kula mundu na mmbao lwaawuyachurikia.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 1:8

Uo nderekoghe ugho mwengere anduangi, ela oredumiloghe ughushuhudie ugho mwengere.

LUKA 2:32

Mwengere ghowilangalishira wandu wa mbari zima, na kwa wundu ghwa wubaa ghwa wandu wako Israeli.”

LUKA 1:50

Wughoma ghwake ghwadakaia hata vivalwa na vivalwa, kwa awo wimuobuagha.

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.

JEREMIA 17:14

Kuniboise ee BWANA, nani nichaboa; kunikire nani nichakia angu ni oho kuekeri nikukasagha.

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

MABONYO GHA WADUMI 13:26

“Wanidu, wana wa kichuku cha Abrahamu, nenyo mmbose mumuobuagha Mlungu; ilagho iji ja kukia jederedwa kodu.

JOHANE 12:40

“Mlungu wawifunga meso ghawo, na kurikurisha akili rawo eri meso ghawo ghisepate kuwona, na akili rawo risetambukilo, wisechenighalukia, nipate kuwiboisa.”

ZABURI 61:5

Kwamerie kusikira maghemi ghapo ee Mlungu, kukanineka ifwa ja awo wikuobuagha oho.

JEREMIA 30:17

Nichamuagha sena, na kuboisa vonda venyu; angu wimtalie wei moolegha, wikighamba, ‘Ni Sioni iyo mndungi useitalagha.’”