MALAKI 3:2 - Biblia Ilagho Jiboie Kwa Wandu Wose

² Ela nani udimagha kurumaghia ituku ja kucha kwake? Nani udimagha kukaia moyo ngelo wawoneka? Kwa kukaia uchakaia sa sabuni ieleshagha, sa ghuja modo ghwa mchani vuma ghueleshagha vuma.

MALAKI 3:2 Referans Kwoze

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

ISAYA 4:4

ingelo BWANA uchaaoghosha wuchafu ghwa wandu wa Sioni, na bagha idikie Jerusalemu kwa roho ya kutanya, na roho ya modo.

WUFUNUO 6:17

angu ituku ibaa ja machu ghawo jameria kucha, nao nani udimagha kujirumaghia?”

LUKA 21:36

Ela chereshenyi ngelo rose mkilomba, mpate kukaia nandighi rekia maza iri rose richagha, sena mdime kukaia kimusi imbiri ya Mwana wa Mdamu.”

ZABURI 2:7

Mzuri waghamba, “Nichaeresha agho BWANA ughorie. Wanizerie huwu, ‘Oho ko mwana wapo, nakuva idime.

LUKA 3:17

Na lungo lwake loko mkonunyi kwake upate kuinja makanda ghose na kungira ngano nganyenyi kwake, ela makanda uchaghikora kwa modo ghuserimikagha anduangi.”

LUKA 3:9

Na hata idana isoka jawikwa tayari mirinyi ya midi, kudema mudi ugho ghose ghusevagha matunda mecha, ghukumbo modonyi.”

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

WAEBRANIA 12:25

Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?

JOHANE 8:55

Inyo ndemumwichi, ela ini namwichi; nani ngaghamba simwichi, nichakaia mtee karakara na inyo; ela ini namwichi sena nadamsikira.

LUKA 2:34

Nao Simeoni ukawirasimia ukamzera Maria, mae mwana, “Ola mwana uhu wawikwa kwa wundu ghwa kughwa na kuwuka kwa wengi andenyi ya Israeli, na kwa alama etangalwa ni wandu;

JEREMIA 2:22

Hata kukuoghoshe na magadi na kutumia sabuni nyingi, ela wuchafu ghwa wuwiwi ghwako ghwaawuyawoneka imbiri kwapo.

ISAYA 1:18

BWANA waghora, “Choonyi idana dibonye njama; hata ngera kaung'a renyu ratinikie, richakaia ra chokwa sa theluji; hata ngera reeka ra ngundu sa bagha, richakaia ra chokwa sa pamba.

MATHAYO 25:10

Ela iji werefumieghe kwendaghua, uja bwana arusi ukacha, na waja werekoghe tayari wikangianya nao cha karamunyi ya arusi, mnyango ghukarughwa.

MARKO 9:3

na nguwo rake rikawuya ra kung'ala-ng'ala, ra chokwa cho, hata useko dobi ungi aha ndoenyi udimagha kurielesha sa huwo anduangi.

EZEKIELI 22:14

Welee, uko kufunga ndighi konyu kuchadua, angu mikonu yako kukaia na ndighi ingelo nakakubonya maza? Ini Bwana najighora ilagho iji, nani nichajikatisha.

WUFUNUO 19:8

Na uo muka orenekeloghe nguwo iboie ya kitani ndicha, ielie, ing'alaa-ng'ala;” (na iyo kitani ndicha ni mabonyo gha hachi gha awo waeli.)

WUFUNUO 7:14

Nani ngamzera, “Bwana oho kwamanya.” Nao ukanizera, “Awa niwo waja wandu wifumie matirironyi mabaa, nawo warioghoshere nguwo rawo, na kuribonya kukaia ra chokwa kwa bagha ya Mwana wa Ng'ondi.

LUKA 7:23

Warasimilwa uo mundu usekuwagha kwapo.”

1 SAMUELI 6:20

Wandu wa Beth-shemeshi wikaghamba, “Nani udimagha kusimana na BWANA, uo Mlungu mweli? Dimuenja kwani udime kudiinjikia?”

ZABURI 76:7

Oho BWANA kwadaobolwa ni wandu wose; kukajokwa ni machu lee, nani udimagha kukaia kimusi imbiri kwako?

ZABURI 130:3

Ngera kwaditalia kaung'a BWANA; nani udimagha kukaia usetanyiro?

MAKATANISHO 25:4

Kukainja wuchafu ghwa feza, mchani vuma uchabonya kilambo chiboie.

ISAYA 33:14

Wakaung'a wikaiagha Sioni wiasughusika kwa wowa, awo wandu wisemuobuagha Mlungu wakaia na wowa wikighamba, “Nani udimagha kukaia kimusi kwa kutanya kwa Mlungu kuko sa modo ghubirie? Nani aghadi kodu udimagha kukaianya na modo ghwa kala na kala?”

DANIELI 11:35

Wamu wa awo wiko na hikima wichabwaghwa; na ilagho ijo jichawibonya wielesho kuchumba; wiele cho, hata kukatia kwa ngelo ra kutua; angu ngelo iwikilo ndeivikie kande anduangi.

JOELI 2:11

BWANA wajifunyira momu ijeshi jake, najo ijeshi ja wandu wake wengi wiwadie ndighi jakatisha malaghiro ghake. Ituku ja BWANA ni ibaa jeobosha; nani udimagha kujirumaghia?

NAHUMU 1:6

Nani udimagha kukaia moyo ukajokwa ni machu? Nani udimagha kughirumaghia machu ghake ghibirie? Machu ghake ghadilwa sa modo, na magho ghabarika imbiri yake.

KUZOYA 19:28

ukazighana cha Sodoma na Gomora na isanga jose jerekoghe vololonyi, nao ola ukawona mosi ghukijoka mlungunyi kufuma ndoenyi sa ghwa iwiwi ibaa.

AYUBU 28:1

“Loli veko vina vekota feza, na koko andu koeleshera dhahabu.