MAKATANISHO 9:8 - Biblia Ilagho Jiboie Kwa Wandu Wose

⁸ Kusakemkemia mundu umenyere uchezamilwa ni oho; mkemie mundu wa hikima, nao uchakukunda.

MAKATANISHO 9:8 Referans Kwoze

ZABURI 141:5

Mundu mucha wadima kunikaba na kunidokia kwa wughoma, ela sichaarumiria ishima kufuma kwa mmbiwi, angu nadatangala mawiwi ghawo malombinyi kwapo.

MAKATANISHO 13:18

Kumenya mafundisho kwadareda wukiwa na waya, ela uo usikiragha mafundisho, uchanekwa ishima.

MAKATANISHO 23:9

Kusakeja malagho na mkelu; kwa kukaia uchamenya malagho ghako gha hikima.

MAKATANISHO 15:12

Mundu omenya ndeboilwagha ni kuwonyerwa makosa; ndelolagha njama kwa mundu wa hikima.

MATHAYO 7:6

“Mserineke koshi vilambo va wueli, risechemghalukia na kumrashua inyo; hata lulu renyu msakerikumbia nguwe, risecheriwadia na maghu ghawo.

MAKATANISHO 29:1

Uo ukanilwagha mando malazi, ukichuria kughilika, uchanoneka shwa hata ndechaadima kuboiswa anduangi.

MAKATANISHO 28:23

Mkemie mundu, nao uchakufunyira chawucha konyuma; kwachumbie kusesea-sesea.

WALAWI 19:17

“Kusewikie mwanyinyu ngolo ingi, ela tima kuboisa malagho nao kwa njama, eri kusechengia kaung'enyi kwa wundu ghwake.

MATHAYO 15:14

Wisighenyi noko! Awo ni vilongozi vifue meso. Kitungure ukamghenja kitungure mmbao, wose wawi wichachunukia kinenyi.”

1 WAZURI 1:23

Wadumiki wikamghoria mzuri kukaia mlodi Nathani wacha. Nathani ukangia ukakughoghomesha na kudunga chongo chake andonyi kwa ishima.

1 WAZURI 22:8

Ahabu ukamzera Jehoshafati, “Wasigharika mundu umweri okotia, nao ni Mikaia mwana wa Imla; ela wadanizamia angu jingi usenilodiagha mecha, ela wadanilodera mawiwi toe.” Jehoshafati ukaghamba, “Ii hata, kuseghore huwo.”

1 WAZURI 1:32

Mzuri Daudi ukaghamba, “Niwangie mkohani Zadoku, mlodi Nathani, na Benaia mwana wa Jehoiada.” Nao wikacha na kukaia kimusi imbiri ya mzuri.

MAKATANISHO 10:8

Mundu wa ngolo ya hikima, wadawusa malaghiro; ela mkelu osongoda, uchanoneka.

MAKATANISHO 13:1

Mwana uko na hikima wadasikira mafundisho gha ndee, ela uo umenyagha, ndesikiragha kuja kukanilwa.

MAKATANISHO 19:25

Mkabe mundu odema sare, na mkelu uchakufundisha suku; mkemie mundu uelelwagha, nao uchapata kumanya.

ISAYA 36:21

Ela awo wandu wikanyama kima sa iji koni werezereloghe ni Hezekia; ndeweremtumbulieghe hata ilagho jeni.

MAKATANISHO 1:5

Agha makatanisho ghadima kumchuria mundu wa hikima kumanya, na kumlongoza mundu uko na kishomo,

MAKATANISHO 23:23

Kughuo loli, ela kuseiuze; pata hikima, mafundisho, na kutambukilwa.