MAKATANISHO 9:10 - Biblia Ilagho Jiboie Kwa Wandu Wose

¹⁰ Kuobua kwa BWANA niko kuzoya kwaro hikima, na kummanya Uo Mweli ni kukaia na suku.

MAKATANISHO 9:10 Referans Kwoze

ZABURI 111:10

Kuobua kwa BWANA niko kuzoya kwa hikima, wadawineka kutambukilwa wose wisikiragha memu yake. Ndekaso kwa kala na kala.

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

MAKATANISHO 1:7

Kuobua kwa BWANA niko kuzoya kwaro kumanya; wakelu wadamenya hikima, na mafundisho mecha.

MCHILI 12:13

Kutua kwa malagho ni uku: Maza rose ramerie kusikirwa. Muobuo Mlungu na kuiwadia memu yake, angu ihi niyo kazi ya mdamu.

MAKATANISHO 2:5

Kukabonya huwo, kuchatambua maana ya kumuobua BWANA, na kuwona nicha andenyi ya kukufundisha kummanya Mlungu.

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

MAKATANISHO 30:3

Sifundishiro hikima hata simwichi Uo Mweli.

MATHAYO 11:27

Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.

ZABURI 34:12

Welee, kwakunde irangi, sena kuduo moyo matuku mengi na kuwona mecha?