MAKATANISHO 7:12 - Biblia Ilagho Jiboie Kwa Wandu Wose

¹² Ngelo imu uawoneka chienyi, ngelo imu sokonyi; wadawoneka andu kose kwa ngulai, ukilaliria.

MAKATANISHO 7:12 Referans Kwoze

MAKATANISHO 23:28

Wadalaliria sa kiting'a, na kuwibonya womi wengi wisowe wuloli.

MAKATANISHO 9:14

Wadasea kidombo mnyangonyi ghwa nyumba yake, sena wadasea kidombo andu kuko ighu kwa muzi m'baa,

WUFUNUO 18:3

angu mbari rose ramerie kunywa iyo divei ya bea rake riseelie, na wazuri wa ndoenyi wabonyere wulaki nao, na washami wa ndoenyi wapatire mali kwa wumalaya ghwake.”

WUFUNUO 18:23

na mwengere ghwa taa, ndeghuchaang'ala-ng'ala andenyi kwako, hata lwaka lwa mmbusi muka na uo ulowolwagha, ndeluchaasikirika andenyi kwako sena anduangi. Angu washami wako werekoghe wandu wabaa wa ndoenyi, na wandu wa mbari rose werekaliloghe kwa wusawi ghwako.

EZEKIELI 16:31

Kwaaghie nyumba rako retasira kutuonyi kwa kula chia, na kubonya wumalaya kwa kula chia mbaa; sena ndekorekoghe sa ilaya, kwa kukaia ndekorelombieghe malipo.

JEREMIA 3:2

Zighana nokoighu cha mighondinyi kuwone ngera koko andu kungi kusighilo kusetasire milungu mizima! Korekoghe kukiwesera wandu wetasa milungu mizima chiaimweri nakumoni achienyi kara kara na Muarabu ulaliriagha wandu kireti. Kwanonie isanga kwa kutasa milungu mizima kwako.

JEREMIA 2:36

Kwaghalue chia rako mando mengi! Kuchafushwa waya ni Wamisri, sa iji koni korefushiroghe waya ni Waashuru.

JEREMIA 2:33

Koko na wuya loli-loli gholola waka, hata aweni wizamie putu kwawifundishire chia rako.

JEREMIA 2:20

Bwana MLUNGU wa majeshi waghamba, “Kufuma kokala korechikanyireghe ghongolo yako; na kuvibara vifungo vako; kukaghamba, ‘Sichaakudumikia.’ Ee, koretasireghe milungu mizima, aighu ya mighondi mibaa, na aisi ya kula mudi mmbishi ghwa kiju kukaighoghomia kwa kusowa wuloli kwa Mlungu.

MAKATANISHO 7:8

Orekoghe ukighenda chienyi kaavui na ngulai, andu muka umu orekoghe ukikaia; ukawada chia iidiriagha kaavui na nyumba yake,