MAKATANISHO 5:6 - Biblia Ilagho Jiboie Kwa Wandu Wose

⁶ Nderirikanyagha maza ra irangi; wadamara-mara usemanyagha ilagho jingi.

MAKATANISHO 5:6 Referans Kwoze

MAKATANISHO 4:26

Kukulindie seji kughendagha, na chia rako rose richakaia ra loli.

ZABURI 16:11

Oho kwadaniwonyera chia ya irangi, andu kuko oho kwachua maboilo; na aisi ya mkonu ghwako ghwa kudima, koko mecha gha kala na kala.

MAKATANISHO 30:20

Muka useko mloli kwa mumi, wadabonya huwu: wadabonya wulaki na kukuoghosha ima ughambe, “Sibonyere ilagho jingi.”

MAKATANISHO 5:21

BWANA waichi maza rose mundu uribonyagha, nao wadaizighana mighendo yake yose.

ZABURI 119:59

Ngakupima ini moni na chia rako, nialaghira kuinugha memu yako.

MAKATANISHO 11:19

Mundu uduagha ukibonya hachi uchakaia moyo, ela uo unughagha wawiwi uchafwa.

2 PETRO 2:14

Weko na meso ghichue wulaki, nawo ndewikunde kutana na kaung'a. Wakalia wandu wanyonge; ngolo rawo rakufundishire kukaia na lwafuo; ni wandu wiwadilo ni njowe putu.

MAKATANISHO 2:19

Mndungi ndeghendagha kwake ima uwuye, na jingi ndeiwuriagha chia ya irangi.

MAKATANISHO 9:13

Muka mkelu, wadasongoda-songoda; wachue bea usena waya.