MAKATANISHO 3:7 - Biblia Ilagho Jiboie Kwa Wandu Wose

⁷ Kusakekuririkanya kumoni kukaia na hikima; kumuobuo BWANA na kutana na kiwiwi.

MAKATANISHO 3:7 Referans Kwoze

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

WAROMA 12:16

Kaienyi na kuchinana mmbeni na mmbeni; msakekukasa, ela muwibonyere nicha awo wiko wanyonge; jingi msebando ni chongo.

MAKATANISHO 26:12

Baa mkelu kuchumba mundu ukuwonagha moni kukaia waichi sena useichi kindo chingi.

AYUBU 1:1

Korekoghe na mndumu isanga ja Usi, uwangwagha Ayubu. Orekoghe mundu mucha, usewadie wuwiwi ghungi; muoboi Mlungu uleghie mawiwi.

MAKATANISHO 16:6

Kwa chia ya lukundo na wuloli, kaung'a yalekelwa; kwa chia ekaia na kuobua kwa BWANA, mundu wawikwa kula na wuwiwi.

MCHILI 12:13

Kutua kwa malagho ni uku: Maza rose ramerie kusikirwa. Muobuo Mlungu na kuiwadia memu yake, angu ihi niyo kazi ya mdamu.

ISAYA 5:21

Ni bugha kwa awo wikuwonagha weni kukaia na hikima, wikikuririkanya weni kukaia na suku.

MAKATANISHO 14:27

Kuobua kwa BWANA ni ndoria ya irangi, kuam'bonya mundu ukaie kula na midegho ya kifwa.

WAROMA 11:25

Wanidu, nakunde mmanye maza iri rivisikie, msechekalikia kwa kumanya konyu. Kughilika kwa Waisraeli kuchakaia kwa ngelo imu, hata mtalo ghwa wandu wa mbari zima wimghalukiagha Mlungu ghukatie;

NEHEMIA 5:15

Kula m'baa wa awo werekoghe imbiri yapo, werewidukishireghe wandu misigo ilemere, nawo werekoghe wikiwusa kufuma kwa wandu vindo na divei, kula na vibelele va feza mirongo ina. Hata wadumiki wawo werekoghe wikiwikoronga wandu. Ela ini serebonyagha huwo angu neremuobueghe Mlungu.

KUFUMA 20:20

Musa ukawizera wandu, “Msakeobua, angu Mlungu waacha kumtima, mpate kumuobua, hata msakebonya kaung'a.”

2 SAMUELI 12:20

Nao Daudi ukawuka, ukakuoghosha na kukushinga mavuda; ukarwa marwao ghake na kughenda cha ngomenyi kwa BWANA, ukamtasa Mlungu. Konyuma ukaghenda nyumbenyi kwake, ukalomba uneko vindo; wikam'boisira vindo na kuviwika imbiri kwake, nao ukaja.

MAKATANISHO 8:13

Kuobua kwa BWANA ni kuzamilwa ni wuwiwi, Nadazamilwa ni kukuduka na kukukasa, na chia mbiwi na kudeda kisha.

MAKATANISHO 14:16

Mundu wa hikima wadakulindia na kukutanya na wuwiwi, ela mkelu ndekuwadiagha hata ndetalagha.

MAKATANISHO 23:4

Kukaie na hikima; kusekubwaghe na kazi wei kualola mali.

MAKATANISHO 26:5

Mtumbulie mkelu itumbulio ja wukelu, usecheghesha wei oomanya.

MAKATANISHO 28:11

Mundu ufughie wadakuwona moni kukaia na hikima, ela mkiwa utambukilwagha, uchammanya.

MAKATANISHO 28:26

Uo ukusaghikagha na akili rake moni ni mkelu, ela uhu ughendagha kwa hikima uchakirwa.