MAKATANISHO 21:2 - Biblia Ilagho Jiboie Kwa Wandu Wose

² Kula mundu wadawona seji ooka nicha, ela BWANA wadapima ngolo.

MAKATANISHO 21:2 Referans Kwoze

MAKATANISHO 16:2

Mdamu wadawona chia rake rose kukaia ni ndicha, ela BWANA nuo uichi ngolo.

MAKATANISHO 16:25

Eko chia iwonekagha kwa mdamu kukaia ndicha, ela kutua kwaro ni chia ya kifwa.

LUKA 16:15

Ela Jesu ukawizera, “Inyo moko wandu mkunekagha mmbeni hachi imbiri ya wandu, ela Mlungu warimanya ngolo renyu; angu icho chikaswagha imbiri ya wandu, chakaia chizamie imbiri ya Mlungu.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

MAKATANISHO 30:12

Weko wandu wikuwonagha weni kukaia waeli, sena wiseoghoshero wuchafu ghwawo.

1 SAMUELI 16:7

Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”

MAKATANISHO 24:12

Mkaghamba wei ndemmanyire ilagho jingi, muaghesha uo upimagha ngolo ra wandu ndewuewona? Huwo uo umanyagha ngolo renyu ndewuemanya? Huwo ndechaalipa mundu karakara na kazi rake anguwada?

JAKOBO 1:22

Ela mkaie wabonyi wa ijo ilagho, msakekaia wasikiri waduu mkikukalia mmbeni.

ZABURI 36:2

Kwa kukaia wadakuririkanya moni kukaia mucha, ukighesha wei Mlungu ndedimagha kumanya wuwiwi ghwake na kughutanya.

WAGALATIA 6:3

Angu mndungi ukaghesha wei oko kindo chimu, nao useko kindo chingi, uakukalia moni.

MAKATANISHO 20:6

Wandu wengi wadakunda kukuwonyera seji wiko waloli; ela nani udimagha kumpata mundu uko mloli?

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

MAKATANISHO 12:15

Mkelu wadakurumiria moni, ela mundu wa hikima wadasikiria mawonyero.

AYUBU 31:6

Mlungu ndenitanye kwa hachi, nao uchawona kukaia siwadie ikosa jingi.

MAKATANISHO 17:3

Feza na dhahabu radatimwa kwa modo; ngolo radatimwa ni BWANA.

DANIELI 5:27

TEKEL: kutambua kwaro kwameria kupimwa aighu ya ratili na kuwoneka kwaangue nandighi.