MAKATANISHO 21:1 - Biblia Ilagho Jiboie Kwa Wandu Wose

¹ Ngolo ya mzuri eeka sa kamoda ka machi mikonunyi kwa BWANA; wadaghilongoza sa iji ukundagha moni.

MAKATANISHO 21:1 Referans Kwoze

MAKATANISHO 16:9

Mdamu wadakupangia chia rake moni, ela BWANA nuo umlongozagha.

MAKATANISHO 20:24

Mundu wadalongozwa ni BWANA; udima wada kumanya seji irangi jake jichaakaia?

EZRA 6:22

Wikabonya Ndima ya Mkate Ghusewadie Chachu matuku mfungade kwa kuboilwa; angu BWANA orewinekieghe kuboilwa ukam'bonya mzuri wa Ashuru uwikunde, hata ukawitesia kazi eagha Hekalu ya Mlungu, uo Mlungu wa Waisraeli.

MABONYO GHA WADUMI 7:10

ukamkira na wasi ghwake ghose, ukam'bonya urumirikie na kumneka hikima imbiri ya Farao mzuri wa Misri; nao ukam'bonya ukaie m'baa wa isanga ja Misri na nyumba yake yose.

MAKATANISHO 16:1

Mipango ya ngolonyi ni ya mdamu, ela matumbulio gharo ghadafuma kwa BWANA.

DANIELI 4:35

Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.

ZABURI 106:46

Ukawibonya wakorongi wawo wiwiwonie wughoma.

ISAYA 43:19

Olenyi naawuyabonya ilagho iwishi jazoya kubonyeka; ndemmbuejiwona? Nichabonya chia kireti, na kumneka meda aho.

ZABURI 105:25

Ukawibonya Wamisri wizamilo ni wandu wake; wikawibonyera wadumiki wake mikalo.

NEHEMIA 2:4

Niko mzuri ukanikotia, “Da kwakunde wada?” Nao ngamlomba Mlungu wa mlungunyi,

NEHEMIA 1:11

Degha kudu kwako kusikire malombi ghapo ini mdumiki wako na gha wadumiki wako wose wiboilwagha ni kujibonyera ishima irina jako; kunineke kusima, na ini mdumiki wako nifuilo wughoma ni m'baa wa isanga.” Ngelo iro, ni ini nerekoghe mnyoshi divei wa mzuri.

ZABURI 74:15

Oho koreturueghe mariso na ndoria ra machi, kukaomera meda iseomagha.

ISAYA 44:27

Ni ini nizeragha bahari ‘Oma; nichaiomera meda yako.’

ZABURI 93:4

BWANA wawadie ndighi kuchumba mghono ghwa machi mengi, wawadie ndighi kuchumba mivo-mivo ya bahari.

WUFUNUO 16:12

Nao malaika wa karandadu ukawada bakuli yake, na kudia aighu ya ugho moda m'baa ghuwangwagha Eufrate, na machi gharo ghikaoma; chia ipate kuboiswa kwa wundu ghwa wazuri wifumagha cha mashariki.

WUFUNUO 16:4

Nao malaika wa kadadu ukawada bakuli yake, na kudia andenyi ya meda na ndoria ra machi, naro rikawuya bagha.

ZABURI 114:5

Kwawonaki ee Bahari kukimbiagha? Kwawonaki Jordani kuseidagha?

ZABURI 114:3

Bahari ya Shamu erezighanireghe ikakimbia; Moda ghwa Jordani ghukasigha kuida.

JEREMIA 39:12

“Wada Jeremia kumlindie nicha, kusem'bonye ilagho jingi, ela kum'bonyere seji ukuzeragha.”

KUFUMA 7:3

Ela nichaikurisha ngolo ya Farao, hata ngera nichachuria weke mwakilimbiti na mashiniko andenyi ya isanga ja Misri,

2 WAZURI 19:33

Angu uchawuya kwa iyo chia cheni orechieghe nayo, hata na jingi ndechaangia ughu muzi, ini BWANA naghamba.

EZRA 1:1

Mwaka ghwa imbiri ghwa kubonya nguma kwa Koreshi mzuri wa Pashia, BWANA orejikatishireghe ilagho jake ijo orejighorieghe kwa momu ghwa mlodi Jeremia. Ukam'bonya Koreshi mzuri wa Pashia, ufunye momu na kudumwa kwa maandiko andenyi ya wuzuri ghwake ghose ghupate kushomwa kwa lwaka kula andu seji inughagha,

EZRA 1:2

“Koreshi mzuri wa Pashia waghora huwu: BWANA, uo Mlungu wa mlungunyi, waninekie kubonya nguma wurumwengunyi kose, nao wanilaghirie nimuaghie Hekalu Jerusalemu, iko Juda.

NEHEMIA 2:8

Wokoni ngalomba barua kwa Asafu mlindiri wa msidu ghwa mzuri; eri unineke midi ebonya misumbati ya mbenge reghenda cha Hekalunyi, na reagha wurigha ghwa muzi, na nyumba iyo nichaakaia. Mzuri ukanineka malombi ghapo, angu Mlungu orekoghe chiaimweri nani.

ESTA 2:17

Mzuri ukaboilwa ni Esta kuchumba waka wazima wose. Ndekuwadie ungi sena orerumirikieghe mesonyi kwake kuchumba uo. Nao mzuri ukamngira kirumbu cha kiwuzuri chongonyi kwake, ukam'bonya ukaie malkia wulalo ghwa Vashti.