MAKATANISHO 2:6 - Biblia Ilagho Jiboie Kwa Wandu Wose

⁶ BWANA nuo unekagha hikima; kumanya na kutambukilwa kwadafuma kwake.

MAKATANISHO 2:6 Referans Kwoze

JAKOBO 1:5

Ela ngera mndungi onyu wasowa hikima, ndelombe kwa Mlungu, uhu unekagha wandu kwa wungi, kuseko na kubukia; nao uchanekwa.

ZABURI 119:98

Nadaghuwadia momu ghwako toe, nagho ghwadanibonya nikaie na hikima kuchumba wamaiza wapo.

AYUBU 32:8

Ela Roho unekwagha wandu ni Uo-Uwadie-Ndighi-Rose, nuo uwinekagha wadamu hikima.

LUKA 21:15

angu ini nichamneka malagho na hikima, hata mndungi usechaadima kumtangala anduangi.

ISAYA 54:13

Nichawifundisha wana wako wose, nawo wichawona nicha na sere.

JOHANE 6:45

Walodi wereandikieghe, ‘Kula mundu uchafundishwa ni Mlungu.’ Uo ose umsikiragha uja Aba, na kukufundisha kwake, uchacha kwapo.

1 WAZURI 3:12

ola nichakubonyera kunughana na malombi ghako. Nichakuneka hikima na akili emanya, mndungi usekaie nayo hata usechaakaia nayo nyuma ya oho.

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

ZABURI 119:104

Nadapata suku kufumanya na mafundisho ghako, kwa huwo nadazamilwa ni malagho gha tee.

DANIELI 2:23

Nakufunyira chawucha na makaso ee Mlungu wa weke aba, angu oho kwanineka hikima na ndighi, sena kwadimanyisha iyo ngasu ya mzuri.”

DANIELI 1:17

Mlungu ukawineka awa wandu wa irika bana hikima na kumanya kokufundisha; ukamneka Danieli kumanya, kutambua mawono, na ndodo rose.

ISAYA 8:20

Mchawitumbulia, “Sikirenyi mafundisho na wushuhuda ghwa BWANA, msewisikire awa wandu, kwa kukaia malagho wighoragha ndeghine mwengere.”

1 WAZURI 4:29

Mlungu ukamneka Solomoni hikima na kumanya kubaa, na akili nyingi risepimikagha.

DANIELI 2:21

Wadaghalua ngelo na vimu; wadainja wazuri na kuwika wazuri. Wadawineka hikima awo wiko na hikima, na kumanya kwa awo witambukilwagha.

MAKATANISHO 6:23

Agho malaghiro ni taa, na mafundisho ni mwengere; kuja kukanilwa, ni chia ra irangi.

ZABURI 19:7

Sharia ya BWANA ni ya loli putu, irukishagha roho; memu ya BWANA ni erumirilwa, imnekagha mkelu hikima.

1 WAZURI 3:9

Kwa huwo, kunineke ini mdumiki wako hikima emanya kuwibonyera wandu wako nguma; nipate kutambua iro ndicha na iro riko mbiwi. Ngera kusenibonyeragha huwo, nichadima wada kuwibonyera nguma wandu wako wing'ane huwu?”

KUFUMA 31:3

nani namchura Roho wa Mlungu, wuya, na kumanya, na wufundi ghwa vilambo va mbari rose;

1 MALAGHO GHA NGELO 22:12

BWANA ndekuneke suku na kutambukilwa, eri ingelo wakuwika aighu ya Wasraeli, kupate kuwibonyera nguma kwa Sharia ya BWANA Mlungu wako.

NEHEMIA 7:5

Niko Mlungu ukanineka maghesho ghekwanya vilongozi, na wabaa, na wandu, nipate kuzighana vichuku vawo. Ngawona chuo chiandikilo marina gha vichuku va wandu awo werezoeghe kucha kufuma wubarishonyi sa huwu:

AYUBU 22:22

Wusa mafundisho ukughoriagha; kughiwike ngolonyi kwako.

ZABURI 51:6

Oho kwadakunda loli ya kondenyi; kunifundishe hikima ya ngolonyi.

MCHILI 2:26

Mundu ukam'boia Mlungu, uchamneka hikima na kumanya, na kuboilwa. Ela Mlungu wadamneka mkaung'a kazi ekwanya na kutumbanya, upate kumneka uo mundu um'boiagha. Iro naro ni maza ra duu, ni sa kulwa na mbeo.

1 WAZURI 10:24

Ndoenyi kose wandu wikalola kummbona Solomoni, wipate kusikira iyo hikima Mlungu oreingirieghe andenyi kwake.

EZRA 7:25

“Na oho Ezra, kunughana na hikima ya Mlungu wako iyo ukunekie, kuwike wabaa na watanyi widimagha kuwitanya wandu isangenyi jiko magharibi ya Moda ghwa Eufrate awo wiichi na kuinugha Sharia ya Mlungu wako. Kuwifundishe awo wiseichi iyo sharia.

AYUBU 12:13

“Hikima na kumanya veeka na BWANA, oko na njama na kumanya.

AYUBU 12:16

Oko na ndighi na wusimi, awo wikalilo na awa wikaliagha wose weeka mikonunyi kwake.

ZABURI 19:8

Sharia ra BWANA ni ra hachi, riboisagha ngolo; memu ya BWANA yaelie, iredagha kutambukilwa.

ZABURI 94:10

Uo urikaniagha mbari zima kwa kuwikaba, ulemwa wada ni kukania? Uo ufundishagha wandu kumanya, uo ndena kumanya?

ZABURI 119:34

Kunineke kutambukilwa, nipate kuiwadia sharia yako, na kuinugha kwa ngolo yapo yose.