MAKATANISHO 19:2 - Biblia Ilagho Jiboie Kwa Wandu Wose

² Ndeiboie mundu kusowa kumanya; mundu wa shwa-shwa wadakungira ndengonyi.

MAKATANISHO 19:2 Referans Kwoze

MAKATANISHO 21:5

Wandu wibonyagha mipango kwa wuya, loli wadapata kwa wungi; ela awo wibonyagha na iseghe, wadasowa.

WAFILIPI 1:9

Ilombi japo ni angu lukundo lonyu luchurikie nandighi kuchumba, chiaimweri na kumanya na kutambukilwa kose;

MAKATANISHO 29:20

Kwadima kumsuwiria mkelu kuchumba mundu udedagha malagho kisha kisha usepimagha.

WAROMA 10:2

Angu neko na wushuhuda aighu yawo kukaia wamkunde Mlungu na ndighi, ela weesowa kumanya kwa loli.

JOHANE 16:3

Nawo wicham'bonya huwo kwa kukaia ndewimwichi uja Aba, hata ini anduangi.

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

ISAYA 28:16

Kwa huwo Bwana MLUNGU waghora huwu, “Olenyi nawika igho Sioni, kwa wundu ghwa msingi, ni igho ja mbembenyi jitimilo jiko ja zoghori mbaa kwa wundu ghwa msingi ghumange, jiandikilo, ‘Uo urumiriagha, ndechaafushwa waya anduangi.’

MAKATANISHO 28:20

Mundu uko mloli uchachulwa ni marasimio, ela uo ukundagha kufugha shwa-shwa ndechaasowa adhabu.

MCHILI 12:9

Kwa kukaia Mchili orekoghe na hikima, ukachuria kuwifundisha wandu agho oreghimanyireghe. Orekufundishireghe mifwano na kuzighana wuloli ghwaro nicha.

MCHILI 7:9

Kukajokwa ni machu kukumazire; wakelu niwo wikaiagha na machu.

MAKATANISHO 28:22

Mundu ukurie na pesa wadashashira kufugha, hata ndemanyagha wei uchasowekelwa.

MAKATANISHO 25:8

Kukawona malagho, kusekaie wa shwa-shwa kuenda kotinyi; kubonya wada mmbenyu ukafunya wushuhuda ghokusima?

MAKATANISHO 14:29

Mundu uko wa mboa kubonya machu oochulwa ni kumanya, ela mundu obonya machu shwa-shwa, uawonyera wukelu ghwake.

MAKATANISHO 1:16

Waawuyakimbia wibonye mawiwi; nawo waawuyashashira kudia bagha.

MAKATANISHO 10:21

Malagho gha mundu wa hachi ghadawitesia wandu wengi, ela wakelu wafwagha kwa kusowa akili.

ISAYA 27:11

Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.

AYUBU 31:5

“Jingi sekaia na irangi ja mikalo, hata jingi sikalie wandu.

2 WAZURI 4:39

Umu wawo ukafuma; ukaghenda cha mbuwenyi kuwaya mbogha. Ukawona lungu lwa isakenyi, ukawaya vishere varo kwa wungi seji udimie; ukacha na kuvitemeria nyungunyi usevimanyire.