MAKATANISHO 16:12 - Biblia Ilagho Jiboie Kwa Wandu Wose

¹² Mzuri wadazamilwa ni kubonya mawiwi; angu wuzuri ghwadamangishwa ni hachi.

MAKATANISHO 16:12 Referans Kwoze

MAKATANISHO 25:5

Wika wanjama wawiwi kula na mzuri, na wuzuri ghwake ghuchamangishwa kwa hachi.

LUKA 12:48

Ela uo useremanyireghe, na kubonya agho ghimfwanagha ukabo, uchakabwa kutini. Uo unekelo kwa wungi, kwake vichakotelwa kwa wungi; na kwa uo mundu wiwikagha kwa wungi, wichamkotia kwa wungi wokoni.

MAKATANISHO 29:14

Mzuri ukatanya wakiwa karakara, wuzuri ghwake ghuchadua.

MAKATANISHO 28:9

Mundu ukalegha kuisikira sharia, hata malombi ghake ghichamzamia Mlungu.

WUFUNUO 19:11

Niko nerewonieghe mlungunyi kwarughulwa, ngawona farasi ya chokwa, na uo orejokieghe wawangwa Mloli, na Mhachi, nao wadatanya kwa hachi, na kubonya wuda.

MAKATANISHO 20:18

Mipango yadamangishwa ni njama ndicha; kusezoye wuda kusebonyere mipango.

ZABURI 99:4

Mzuri wa kudima, oho kwadaikunda hachi; kwaimangishire loli andenyi ya Jakobo, kwaredie hachi na loli.

WUKUMBUSO 25:16

Angu wandu wose wibonyagha maza iro, wiseko waloli, wadamzamia BWANA Mlungu wako.

MAKATANISHO 16:13

Mzuri wadaboilwa ni madedo gha loli; wadaboilwa ni mundu ughoragha loli.

2 MALAGHO GHA NGELO 17:5

Kwa huwo BWANA ukaghumangisha wuzuri aisi ya wulongozi ghwake; na wandu wose wa Juda wikamredia Jehoshafati kodi, nao ukakaia na mali nyingi na ishima.

MAKATANISHO 29:4

Mzuri ukakaia na loli, isanga jikaia nicha, ela uhu ukundagha kuhongwa wadajinona isanga.