MAKATANISHO 12:8 - Biblia Ilagho Jiboie Kwa Wandu Wose

⁸ Mundu uko na hikima wadakaswa, ela mkelu wadamenywa.

MAKATANISHO 12:8 Referans Kwoze

2 WAKORINTHO 10:18

Angu mundu nderumirilwagha kwa kukukasa uo moni anduangi, ela uarumirilwa kwa kukaswa ni Bwana.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

MABONYO GHA WADUMI 12:23

Shwa wori malaika wa Bwana ukamkaba, na kumghusha angu useremkasireghe Mlungu, ukalumwa ni vunyu ukafwa.

LUKA 16:8

Uja bwana ukamkasa mnyapara useko mloli, angu orejieghe akili; kwa kukaia wandu wa wurumwengu ughu wawadie akili rebonya malagho ghawo weni, kuchumba wandu wa mwengere.

DANIELI 12:2

Na wengi wa awo wimerie kufwa na kurikwa ndoenyi, wicharukishwa. Wamu wighende kwa irangi ja kala na kala, na wamu wighende andu kofushwa waya na kumenywa kwa kala na kala.

MAKATANISHO 5:23

Wadafwa kwa kulegha mawonyero, na kulaghaya kwa wundu ghwa wukelu ghwake m'baa.

MAKATANISHO 3:35

Wandu wa hikima wichanekwa ishima, ela wakelu wichasowelwa ishima.

MAKATANISHO 1:26

Kwa huwo mkapatwa ni ndengwa ingi, nichamseka, iji mwakaja wasi, nichamseka.

ZABURI 132:18

Nichawifusha waya wamaiza wake, ela wuzuri ghwake ghuchachurikia na kuwona nicha.”

KUZOYA 41:39

Niko Mzuri ukamzera Josefu, “Kwa kukaia Mlungu wakufunukuya oho maza iri rose, yawoneka worinyi angu ndekuwadie mndungi mzima uko na akili na suku iri kuko naro;

1 SAMUELI 25:17

Idana kumanye agho, nao kupime ngera kubonya wada; kwa kukaia wandu awo wakaia na nia em'bonya bwana odu kiwiwi chiaimweri na wandu wake wose; uo bwana odu nao ndefundwagha ni mndungi, oozama shuu.”

1 SAMUELI 18:30

Wabaa wa Wafilisti wikacha sena kwa wuda, na sa matuku ghose, iji wamchea Daudi, Daudi ukakaia na wusimi m'baa kuchumba wabaa wose wa Sauli; na irina jake jikakaia na ishima ibaa.

1 SAMUELI 16:18

Mndumu wa irika ukaghamba, “Ola nammbona mwana wa Jese M'bethlehemu, uichi kukaba kinubi loli loli; mundu uko ing'oni, uichi kulwa wuda, uichi kudeda kwa hikima; ni mundu ughokie, na BWANA oko andwamweri nao.”

1 SAMUELI 13:13

Nao Samueli ukamzera Sauli, “Kwabonya wukelu kwa kuleghawadia momu ghwa BWANA Mlungu wako seji orekulaghirieghe; huwu kumangu BWANA wamangisha wuzuri ghwako aighu ya Israeli kwa kala na kala.

MCHILI 8:1

Mundu wa hikima nuo umanyagha malagho seji ghiko. Hikima yadam'bonya ukaie na kuboilwa, na kubonya wushu ghwake ghukaie ghuelie.

MAKATANISHO 12:7

Wawiwi wadasimwa na kumerelwa, ela nyumba ya mhachi ichadua.

MAKATANISHO 12:9

Mundu wa ndonyi ukudumikiagha moni oko baa, kuchumba mundu m'baa usena vindo.

MAKATANISHO 29:27

Wandu wa hachi wadazamilwa ni wawiwi, na wandu wizamie wadazamilwa ni wandu wa hachi.

ISAYA 19:14

BWANA wawingiria roho ya kulaghalwa ni akili, nawo waishekeria Misri kubonya malagho ghake kisha-kisha sa mmbongeri uwalaliagha ukidaika.

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.