MAKATANISHO 10:9 - Biblia Ilagho Jiboie Kwa Wandu Wose

⁹ Mundu ughendagha nicha, uchakaia banana, ela mundu useko mloli, uchamanywa.

MAKATANISHO 10:9 Referans Kwoze

MAKATANISHO 28:18

U mundu ughendagha nicha uchakirwa, ela uo ulagharie kwa chia rake uchawuduka kinenyi.

MATHAYO 10:26

“Kwa huwo msakewiobua awo wandu. Ndekuwadie kindo chingi chifinikiro chisechaafunukulwa, hata kilambo chingi chivisiro chisechaawonyerwa worinyi anduangi.

1 TIMOTHEO 5:25

Huwo koni mabonyo mecha gheko worinyi; na hata agho ghiseko worinyi, ndeghidimagha kudua ghivisikie anduangi.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

MAKATANISHO 3:23

Kuchaghenda chienyi kwako banana, hata ndekuchaakuwa anduangi.

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

ZABURI 25:21

Wucha ghwapo na ishima japo ndeviniwike nicha; naawuyakusuwiria oho.

MAKATANISHO 17:20

Mundu wa maghesho gha wuwiwi ndepatagha mecha ghangi; mundu wa mikalo wadangia wasinyi.

ZABURI 23:4

Hata ngera naida aghadi ya vololo ya kira chikambie na ndighi, sichaaobua kiwiwi chingi; angu oho BWANA koko andwamweri nani; zobo yako na mzata ghwako, vanilindia.

MAKATANISHO 26:26

hata ngera wakufinikira na mikalo, ela kuzama kwake kuchafunukulwa wandunyi.

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

AYUBU 8:20

“Mlungu ndemleghagha mundu usewadie ikosa, hata ndemtesiagha mundu mmbiwi.

MAKATANISHO 28:1

Wandu wizamie wadakimbia, hata ngera ndewiwuewingwa ni mndungi; ela wandu wa hachi weko na wuwana sa ghwa shimba.