MAKATANISHO 10:12 - Biblia Ilagho Jiboie Kwa Wandu Wose

¹² Kuzamiana kwadareda nganyi, ela lukundo lwadafuya wughoma makosa ghose.

MAKATANISHO 10:12 Referans Kwoze

1 PETRO 4:8

Na aighu ya rose, mduo na lukundo mmbeni na mmbeni lusesiagha, kwa kukaia lukundo lwafinikira wungi ghwa kaung'a.

MAKATANISHO 17:9

Mundu ufuyagha wughoma, wadakundwa ni wandu; kukumbuka makosa kwadanona wughenyi.

MAKATANISHO 15:18

Mundu wa machu wadawusira nganyi, ela mundu wa mboa wadahoresha nganyi.

JAKOBO 5:20

ndemanye kukaia, mundu uo ose ummbunjagha mkaung'a ujisighe ikosa jake, uchamkira uo mkaung'a na kifwa, na kurifinikira kaung'a nyingi.

JAKOBO 4:1

Niki chawuyareda wuda na kulwa aghadi konyu? Si iyo mirudo ya bea renyu ibonyagha wuda vienyi konyu?

MAKATANISHO 28:25

Mundu wa lwafuo wadawusira nganyi ela uo ukusaghikagha na BWANA uchapata mecha.

MAKATANISHO 16:27

Mundu wa kisha wadabonya njama mbiwi; madedo ghake ni sa modo ghukoragha.

MAKATANISHO 29:22

Mundu wa lubio, wadawusira nganyi, na mundu wa machu wadashekeria makosa mengi ghibonyeke.

MAKATANISHO 30:33

Kukasuka mariwa, kuapata mavuda; kukakaba mundu mbua, uafunya bagha; kukawusira machu, kuchangia wasinyi.