LUMBO 8:9 - Biblia Ilagho Jiboie Kwa Wandu Wose

⁹ Ikakaia ooka wurigha, dichamuaghia mnara ghwa feza, ela ikakaia ooka mbenge, dichamlindia kwa kum'bonyera mbau ra mierezi.

LUMBO 8:9 Referans Kwoze

MABONYO GHA WADUMI 15:16

‘Nyuma ya agha nichawuya na kuiagha sena nyumba ya Daudi ighue; nichaghiagha sena maghacho ghake, na kuiwusira.

MABONYO GHA WADUMI 14:27

Hata iji wavika Antiokia, wikajikwanya ikanisa na kuwighoria malagho ghose Mlungu orekoghe waghibonya andwamweri nawo, na seji urughue mnyango ghwa irumirio kwa wandu wa mbari zima.

MATHAYO 16:18

Nani nakuzera, Oho ko Petro, na aighu ya igho iji, nichajiagha ikanisa japo, hata kifwa ndechichaadima kujisima anduangi.

ISAYA 61:4

Wichaghiagha maghacho gha kala ghinonelo, na kuagha mizi inonelo na kusighwa, wichaiboisa mizi inonelo kokala, iyo erenoneloghe vivalwa vingi va kokala uko.

ISAYA 60:17

“Nichakuredia dhahabu wulalo ghwa shaba, na feza wulalo ghwa chuma; nichakuredia shaba wulalo ghwa mbau, na chuma wulalo ghwa igho; nichawibonya wabaa wako wiikunde sere, na wanyapara wako wiikunde hachi.

ISAYA 58:12

Wandu wako wichaagha maghacho ghenyu gha kala, kuchaiagha na kuiwusira misingi ya kokala uko; na oho kuchawangwa m'boisi wa mawurigha wuwishi, na M'boisi chia, eri wandu wipate kukaia andenyi ya muzi.”

LUMBO 2:9

Mkundwa wapo ooka sa shaa, sa sarigha ngoo ya womi. Ola hoja kimusi lukumbinyi, waawuyasungia idirishenyi, uazighana a nyavunyi.

1 WAZURI 6:15

Mawurigha gha nandenyi gha Hekalu ukaghikabiria mbau ra sida kufuma sakafunyi hata darinyi; ukafinikira sakafu na mbau ra msumbesu.

WUKUMBUSO 22:8

“Kukaagha nyumba mbishi, kubonye wuriga mbai-mbai ya ipaa; eri mndungi ukapotoka na kufwa, bagha yake isekotelo kwako.

LUMBO 1:11

Dichakubonyera mkufu ghwa dhahabu na mapambo gha feza.