LUMBO 8:1 - Biblia Ilagho Jiboie Kwa Wandu Wose

¹ Kumangu kodeka mwanidu wa womi, kuongoshero ni mao. Ngakukua chienyi, nadakususugha, na mndungi ndatalagha.

LUMBO 8:1 Referans Kwoze

WAGALATIA 4:26

Ela Jerusalemu ghwa mlungunyi ghooka huru, nagho nuo mao.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

LUKA 2:38

Nao ukicha kwa saa ija cheni, ukamfunyira Mlungu chawucha, nao ukaghora malagho gha uo mwana worinyi kwa wose werekoghe wikikuweseria kuja kukombolwa kwa Jerusalemu.

MALAKI 3:1

BWANA Uwadie-Ndighi-Rose watumbulia, “Nichamduma mdumwa wapo, upate kuboisa chia imbiri kwapo, na uo BWANA mwawuyamsuwiria uchacha ghafla andenyi ya Hekalu yake. Uo mdumwa mwawuyamsuwiria uchacha na kueresha ilaghano japo.”

HAGAI 2:7

Mbari rose ra wandu nicharikumba noko, na mali rawo wicharireda aha, na Hekalu ichachulwa ni mali.

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

WAFILIPI 3:3

Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;

WAGALATIA 6:14

Ela ini, nisekukase na kindo chingi, isaakaia ni ugho msalaba ghwa Bwana odu Jesu Kristo; kwa ugho, wurumwengu ghwasulubishiro kwapo, na ini kwa wurumwengu.

1 WAKORINTHO 1:28

Mlungu oresaghueghe ivo vilambo va ndonyi vimenyekie wurumwengunyi, hata ivo vilambo vigheshwagha kukaia si kilambo chingi, upate kuviinja ivo vilambo viko;

JOHANE 16:28

Ini nerefumieghe kwa Aba, ngacha wurumwengunyi; nani idana niaghusigha wurumwengu, na kuwuya kwa Aba.”

JOHANE 13:3

Jesu moni ukimanya angu uja Aba wamnekie vilambo vose mikonunyi kwake, na angu orefumieghe kwa Mlungu, sena uaghenda kwa Mlungu;

JOHANE 8:42

Jesu ukawizera, “Ngera loli Mlungu odeeka ndeyo, kumangu mwanikunda ini; angu nerefumieghe kwa Mlungu ngacha aha, nani serechieghe kwa nguma rapo ini moni anduangi, ela uo nuo orenidumieghe.

JOHANE 3:13

Ndekuwadie mndungi ujokie mlungunyi, ela Mwana wa Mdamu uo userie kufuma mlungunyi.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

LUKA 18:9

Jesu ukaghora mfwano ughu wori, kwa wandu werekurumirieghe weni kukaia wahachi na kuwimenya wambao.

LUKA 12:8

“Nani namghoria loli, angu kula mundu uchaanirumiria ini imbiri ya wandu, Mwana wa Mdamu wori uchamrumiria imbiri ya weke malaika wa Mlungu.

LUKA 10:16

Nao Jesu ukawizera wanughi wake, “Uo umsikiragha inyo, uanisikira ini, na uo umleghagha inyo, uanilegha ini, na uo unileghagha ini, uamlegha uo orenidumieghe.”

LUKA 9:26

Angu uo ose uchaaniwonia waya ini na malagho ghapo, Mwana wa Mdamu uchammbonia waya wokoni kasikira wacha na wubaa ghwake, na wubaa ghwa Ndee, na ghwa weke malaika wielie.

LUMBO 1:2

Ado ndakwanisusughaa na momu ghwako, kwa kukaia lukundo lwako lwaboie kuchumba divei.

ZABURI 51:17

Vizongona virumirilwagha ni Mlungu, ni roho ikuserie; ndekuchaaimenya ngolo ikuserie, iheagha ee Mlungu.

ZABURI 2:12

Mghoghomekienyi usechejokwa ni machu shwa wori, na kumtotesha chienyi. Warasimilwa awo wose wimkimbiriagha.

LUMBO 7:13

Tunguja ranuka nicha, matunda ghose ghiboie gheeka kaavui mnyangonyi kodu; nakuwikia mawishi na gha kala mkundwa.

LUMBO 8:2

Nadakudwa cha nyumbenyi kwa mao uo unifundishire; nadakuneka divei iboie kunyo; agho machi ghapo gha makomamanga.