LUMBO 7:12 - Biblia Ilagho Jiboie Kwa Wandu Wose

¹² Dichawuka kokesho kio, diendezighana ngera zabibu rawusa na kushekera, na makomamanga ngera ghafunya mboi. Aho nichakuwonyera lukundo lwapo.

LUMBO 7:12 Referans Kwoze

LUMBO 6:11

Nereserieghe cha mbuwenyi ya milozi, nizighane seji miwalwa ibukie vololonyi; niwone ngera mizabibu yashekera, angu ngera mikomamanga yawusa.

WAEFESO 6:24

Mvono ndeghukaie andwamweri na awo wose wimkundagha Bwana odu Jesu Kristo kwa lukundo lusewadie kutua.

2 WAKORINTHO 13:5

Mkupime inyo mmbeni, mmbone ngera mwaduagha andenyi ya irumirio jenyu, mkutime inyo mmbeni. Ndemdimagha kumanya ngera Jesu Kristo oko andenyi konyu? Isaakaia ngera loli moolemwa!

LUMBO 7:6

Kwaghokie kwaki huwu mkundwa, kwafwano kwaki huwu; lukundo lwako luboie lookata putu.

ZABURI 122:5

Aho niko wazuri wa Israeli wiseagha kidombo kutanya wandu wawo.

WAEBRANIA 12:15

Manyenyi mndungi useghusowe ghuja mvono ghwa Mlungu, isechekaia muri ghungi ghwa kuwawa ghubuke na kureda wasi hata kuwilusha wandu wengi.

WAEBRANIA 4:16

Kwa huwo ndedisoghode kaavui na kifumbi cha wughoma kwa wuwana, eri dipate kufuilwa wughoma, na kupata mvono ghoditesia ngelo ghukundikagha.

WAEBRANIA 2:15

na kuwikira awo wose werekoghe wuzumbenyi kwa chia ya kuobua kifwa irangi jawo jose.

WAEBRANIA 2:13

Na sena, “Nichawika isuwirio japo kwa Mlungu.” Na sena, “Neko aha chiaimweri na wana Mlungu uninekie.”

WAROMA 5:11

Hata si ijo jeni jiekeri anduangi, ela daboilwa andenyi ya Mlungu wori kwa chia ya Bwana odu Jesu Kristo uo udipatanishire na Mlungu.

MABONYO GHA WADUMI 15:36

Nyuma ya matuku ghamu, Paulo ukamzera Barnaba, “Nndoko diwuyezighana wanidu kula muzi dichilie ilagho ja Bwana, diwone ngera weko wada.”

ISAYA 18:5

Angu imbiri ya kukuwida, iji vishekero vasia na zabibu kuwurwa, Mlungu uchanona Ethiopia seji mundu udumbuagha chonge ra midi na kurikumba noko.

LUMBO 4:16

Wuka ee mbeo ya kaskazinyi; choo ee mbeo ya kusinyi! Weta aighu ya mbuwa yapo, kuchure mbeo na marumba mecha; mkundwa wapo ndeche mbuwenyi kwake, uje matunda gharo, agheni ghiboie kuchumba ghose.

LUMBO 2:15

Wada mizozo, iyo mizozo mitini, inonagha mbuwa ra mizabibu, kwa kukaia zabibu rawusa.”

LUMBO 2:13

Mtini ghwakawurwa, na zabibu rakawusa; rafunya irumba jiboie. Wuka mkundwa wapo, choo dighende.

MCHILI 9:10

Ijo jose kujibonyagha, bonya kwa kufunga ndighi; kwa kukaia ndekuwadie kazi ingi, angu ighesho jingi, angu kumanya kungi, hata hikima ingi andenyi ya wurumwengu ghwa wafu kwawuyakughendia.

MAKATANISHO 8:17

Nadawikunda awo winikundagha, na awo winilolagha kwa kufunga ndighi wichaniwona.

ZABURI 73:25

Ni ani niko nao mlungunyi ela oho? Hata ndekuwadie kindo chingi ndoenyi nichikundagha kuchumba oho.

ZABURI 43:4

Niko nichaghenda madhabahunyi kwako ee Mlungu, oho kuko kuboilwa kwapo kubaa; nani nichakukasa kwa kinubi, ee Mlungu, Mlungu wapo.

KUFUMA 25:22

Nani nichakwana nakumoni ghadi na ghadi ya iro fwana ra makerubi iwi, riko aighu ya Sanduku ya Ilaghano, na kukuneka agho malaghiro gha wandu wa Israeli.

LUMBO 4:13

Miwalwa yaro ni makomamanga; ghifunyagha matunda ghiboie, hena na nardo;

LUMBO 7:11

Choo dighende cha shighadi ya muzi mkundwa; dilale mizinyi mitini.