LUMBO 5:6 - Biblia Ilagho Jiboie Kwa Wandu Wose

⁶ Ngamrughuya mkundwa wapo mnyango, ela orekoghe waghenda. Ngolo yapo ikasia uendadeda. Ngamlola, ela sicheemmbona; ngammbanga, ela ndecheenidika.

LUMBO 5:6 Referans Kwoze

LUMBO 5:2

Nerekoghe nilale, ela ngolo yapo ikakaia ilave; ngasikira mkundwa wapo ukikaba mnyango. Nirughue wangolo, mkundwa wapo mbughi yapo; nashushurilwa, na iridia japo jawada machi.

WUFUNUO 3:19

Awo niwikunde nadawikaba na kuwikania; kwa wundu ugho kufunge ndighi, nao kuhee.

MARKO 14:72

Nao ahoeni njogholo ikadeda indo ja kawi. Petro ukakumbuka jija ilagho, seji Jesu oreghorieghe; “Imbiri njogholo isededie kawi, kuchanikana mando adadu.” Ukawawa ni ngolo, ukalila na ndighi.

MATHAYO 26:75

Petro ukakumbuka malagho oreghoreloghe ni Jesu, “Imbiri ya kudeda njogholo, kuchanikana kadadu.” Nao ukafuma shighadi ukalila na ndighi.

ZEKARIA 7:13

Na angu wereleghieghe kusikira iji nereghorieghe nawo, nanimoni ngalegha kusikira iji werelombieghe.

HOSEA 5:15

“Nichawisigha wandu wapo hata witiriro ni kaung'a rawo kwa kukata; wiwonecha wikinilola. Kewada andenyi ya matiriro ghawo, wadima kunilola hata winiwone.”

HOSEA 5:6

Wafunya mfugho rawo vizongona wikimlola BWANA, ela ndevitesiagha. Ndewimmbonagha angu uwisighie.

KILILO CHA JEREMIA 3:8

Nakema ngilola wutesia, ela Mlungu walegha kunisikira.

ISAYA 58:2

Sena hoku waawuyanilola kula ituku, wikikunda kurimanya chia rapo, sa wandu wa hachi, na sa wandu wiserisighie sharia ra Mlungu wawo. Wakunda kupata kutanya kwa hachi na kukunda kusoghoda kaavui na Mlungu.”

ISAYA 57:16

Sichaasimana na wandu matuku ghose, hata sichaakaia na machu ngelo rose anduangi; angu mdamu wadima kudumbuka imbiri kwapo, uo uko na miruke icheni nereibonyereghe.

ISAYA 50:2

Kwaki mndungi userekoghe iji nerechieghe? Na kwaki mndungi useredikieghe iji nerewangieghe? Welee, ndighi rapo reepungua nisedimagha kukombua? Angu welee, siwadie ndighi rekira? Olenyi ngaikemia bahari yadaoma; nani nadaomera meda hata andu kwaro kuwuye ikara. Samaki raro rasowa machi naro rafwa kwa kau na kuwoa.

ISAYA 12:1

Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

ISAYA 8:17

Nichammbeseria BWANA, uo wawuyakuvisa usewono ni kivalwa cha Jakobo, nani nichamsuwiria uo.

LUMBO 6:1

Mkundwa wako waghendie hao nga muka kughokie kuchumba wose? Wamarie chia iao dikutesie kulola?

LUMBO 5:4

Mkundwa wapo ukawada mnyango; ngolo yapo ikanyavurika kwa wundu ghwake.

MAKATANISHO 1:28

Niko mchaniwanga ini Hikima, ela sichaadika; mchanilola nandighi, ela ndemchaaniwona.

ZABURI 80:4

Ee BWANA Mlungu wa majeshi, kuzamilwa ni malombi gha wandu wako hata lii?

ZABURI 77:3

Ngamkumbuka Mlungu niawoka kulila; ngamririkanya, niafwa ngolo.

ZABURI 69:3

Nalila ngasilwa ni ndighi, hata marangi ghapo ghikaoma. Nawesera wutesia ghwa Mlungu wapo, hata meso ghapo ghidawona miramira.

ZABURI 30:7

Kwanimangishire sa mghondi m'baa kwa wucha ghwako ee BWANA; ela iji nerekusowieghe, ngaobua.

ZABURI 28:1

Nakuwanga oho ee BWANA; mlindiri wapo, kusakeninyamia. Kukaninyamia, nichafwanana na wandu wingirwagha kaburinyi.

2 SAMUELI 16:10

Ela mzuri ukamzera, “Dekwanye wada inyo wana wa Seruia? Mwamanya wada ngera waadumwa ni BWANA uniewie? Nani udimagha kughiria isekaie huwo?”

1 SAMUELI 28:6

Hata iji wakotia njama kwa Mlungu, nderepatireghe matumbulio kwa ndodo hata kwa Urimu hata kwa chia ya walodi.

KUZOYA 42:28

ukawizera waruna, “Pesa rapo rawunjwa, heri aha momunyi ghwa igunia japo!” Wiendasikira huwo, wikafwa ngolo, wikaghalukiana wikisughusika, na kukotiana weni na weni, “Ni ilaghoki iji Mlungu wadibonyera?”