LUMBO 5:2 - Biblia Ilagho Jiboie Kwa Wandu Wose

² Nerekoghe nilale, ela ngolo yapo ikakaia ilave; ngasikira mkundwa wapo ukikaba mnyango. Nirughue wangolo, mkundwa wapo mbughi yapo; nashushurilwa, na iridia japo jawada machi.

LUMBO 5:2 Referans Kwoze

WUFUNUO 3:20

Ola nakaia kimusi mnyangonyi naawuyakongoda, ngera mndungi wasikira lwaka lwapo na kurughua mnyango, nichangia andenyi kwake na kuja andwamweri nao, nao uchaja andwamweri nani.

LUMBO 2:14

Kooka sa mbughi ikuvisire lukororonyi, leka niwone wushu ghwako ghughokie, nisikire lwaka lwako lusingie.

ZEKARIA 4:1

Nao uo malaika oreghoragha nani ukacha sena; ukaniwusira seji mundu uwusirwagha kufuma dilonyi.

LUMBO 6:9

Ini neemkunda uo umweri tu ughokie sa iringo; ooka uekeri kwa mae uo umkunde ukundo na ndighi. Waka wose waawuyamzighana na kumkuma; weke malkia na waka wekanya waawuyabora wikimkuma.

ZABURI 119:1

Warasimilwa awo wisewadie ikosa jingi, widuagha moyo kwa kunugha sharia ya BWANA.

MATHAYO 8:17

Orebonyereghe agho kukatisha agho ghereghoreloghe ni mlodi Isaya: “Uo moni oreghidwaeghe manyonge ghedu, na kughiinja makongo ghedu.”

ISAYA 52:14

Wandu wengi weremshinikieghe, kwa kuwona fwana yake seji inonelo nandighi kuchumba mdamu uo ose.

ISAYA 50:6

Nerefunyireghe mghongo ghwapo kwa awo wibulagha, na madumbu ghapo kwa awo wererikueghe sombe rapo hata serefueghe waya na kughuvisa wushu ghwapo kwa awo werenichueghe mada.

LUMBO 8:7

Lukundo ndelurimishwagha ni machi mengi, hata ndeludwalwagha ni machi mengi; mndungi ukatima kulughua na pesa uchamenywa putu.

LUMBO 7:9

Momu ghwako ghooka sa divei iboie kuchumba. Divei ndeimilike nicha kwa mkundwa wapo ikiidia momunyi na magheghonyi.

LUMBO 5:11

Wushu ghwake ghwadendere nandighi, iridia jake ni ja singa, ja chilu pi sa ngorusa.

LUMBO 4:9

Kooningia ngolonyi putu wangolo, bibi arusi wapo; kuzighana kwako kwadameria ngolo yapo; kuwona lulu imweri ya lukange lwako kwadanimeria wangolo.

LUMBO 4:7

Kwaghokie kwaki huwu mkundwa; ndekuwadie kakana ingi.

LUMBO 3:1

Nalalemlola mkundwa wapo ndodonyi kio chee wulinyi kwapo; namlolie, ela seredimieghe kummbona anduangi.

LUMBO 2:10

Mkundwa wapo wadedanya nani, ukighamba; “Wuka mkundwa wapo; choo dighende.

LUMBO 2:8

Nasikira lwaka lwa mkundwa wapo. Waawuyacha ukikimbia aighu mighondinyi, waawuyashashira kunichea aighu ya mighondi mitini.

MAKATANISHO 23:26

Wika mafundisho ghapo ngolonyi kwako mwanwapo, kunughe mighendo yapo.

ZABURI 81:10

Ini ne BWANA Mlungu wako, uo orekufunyireghe isanga ja Misri. Tambarua momu ghwako, nani nichakujisha.

KUZOYA 29:20

Jakobo ukamdumikia Labani miaka mfungade kwa wundu ghwa Raheli, ela kwake iyo miaka ikawoneka sa matuku matinieri, angu oremkundieghe Raheli na ndighi.

WUFUNUO 14:4

awa niwo wiserekulushireghe weni kwa waka, ni wandu wielie. Awa niwo wimnughagha uo Mwana wa Ng'ondi andu kose ughendagha, nawo wamerie kukombolwa kufuma kwa wadamu, wikaie mavalo gha imbiri kwa Mlungu na kwa Mwana wa Ng'ondi;

WUFUNUO 3:4

Elaima, koko na marina matinieri andenyi ya Saridi gha wandu wiserilushire nguwo rawo, nawo wichaselanya nani wirwae nguwo ra chokwa, angu awo wafwana.

WAEFESO 5:14

Niko huwu ighorelo, “Wuka ee mundu kulalagha kuruke kufuma kwa wafu na Kristo uchakulangalishira mwengere.”

WAGALATIA 2:20

Ini namerie kusulubishwa andwamweri na Kristo, na si ini ungi nawuyakaia moyo, ela Kristo nuo uko moyo andenyi kwapo; na uko kukaia moyo niko nako mumbinyi, naawuyakaia moyo kwa irumirio, ngimrumiria Mwana wa Mlungu, uo orenikundieghe na kukufunya uo moni kwa wundu ghwapo.

JOHANE 10:4

Iji wameria kurifunya shighadi wadakiria imbiri kwawo, naro ng'ondi radamnugha angu raluichi lwaka lwake.

LUKA 22:44

Nao moni ukikaia na wasi m'baa, ukalomba kwa kufunga ndighi, hata marughudia ghake ghikakaia ghikitonya andoenyi sa matanda mabaa gha bagha.]

LUKA 9:32

Petro na awo werekwanyeghe werewadiloghe ni dilo nyingi, hata iji wawuka wikaghuwona wubaa ghwake, na waja wandu wawi wiko kimusi andwamweri nao.

LUKA 6:12

Matuku agho, Jesu ukajoka mghondinyi kulomba, ukalomba Mlungu kio chee.

MARKO 1:35

Nao nakesho, Jesu ukawuka kokesho kio, ukafuma, ukaghenda andu kusewadie wandu, kulomba Mlungu.

DANIELI 8:18

Nao iji orekoghe ukidedanya nani, ngawadwa ni dilo nyingi wushu ghwapo ghwadunga andonyi; ela ukaniadada na kuniwusira kimusi.

MATHAYO 7:8

Angu uo ulombagha uchanekwa, uo ulolagha uchawona, na uo ukongodagha ucharughuilwa.

LUMBO 1:16

Nakumoni kwaghokie mkundwa wapo; kwaawuyaniboia loli loli. Nyasi mbishi richakaia wuli ghodu.

LUMBO 5:6

Ngamrughuya mkundwa wapo mnyango, ela orekoghe waghenda. Ngolo yapo ikasia uendadeda. Ngamlola, ela sicheemmbona; ngammbanga, ela ndecheenidika.