LUMBO 5:10 - Biblia Ilagho Jiboie Kwa Wandu Wose

¹⁰ Mkundwa wapo ooghoka sena oko na ndighi; nuo moni uekeri aghadi ya wandu elfu ikumi.

LUMBO 5:10 Referans Kwoze

ZABURI 45:2

Oho kwaghokie kuchumba wandu wose; kwanekelo kudeda malagho gha mvono, kwa kukaia Mlungu wakurasimie matuku ghose.

ZABURI 45:17

Nichabonya irina jako jikumbukoghe vivalwa vose; kwa huwo wandu wichakukasa kwa kala na kala.

WAEBRANIA 7:26

Niko koni erefwaneghe dipate Mkohani M'baa uko huwo; wa wueli, usewadie ikosa jingi, usene iboli, utanyiro na wakaung'a, na kujoswa ighu kuchumba milungunyi.

WAEBRANIA 2:10

Angu erefwaneghe, Mlungu uo uumbie vilambo vose, sena kwa chia yake vikakaia, umkatishe Jesu kwa chia ya matiriro, eri upate kuwireda wana wengi wingie kwa wubaa ghwake. Angu Jesu nuo kilongozi cha kukia kwawo.

WAKOLOSAI 1:18

Nao nuo chongo cha mumbi, najo ni ikanisa; uo ni uko kuzoya, nao nuo wa imbiri wa kuruka kufuma kwa wafu; eri upate kukaia wa imbiri kwa maza rose.

WAROMA 9:5

na awo weke wawa ni wawo, na kufuma kwawo orevaloghe Kristo kwa chia ya mumbi. Mlungu uo uko aighu ya vose ndekaso kwa kala na kala. Amen.

LUMBO 2:1

Ini ne mboi ya isakenyi ya Sharoni, ne mboi ya lili a vololonyi.

1 SAMUELI 16:12

Niko Jese ukaduma, ukaredwa; nao orekoghe na mumbi ghuboie, ughokie, uko na meso ghifwano. Nao BWANA ukamzera Samueli, “Ola ni uo, wuka kumshinge mavuda.”

WUKUMBUSO 32:31

Wamaiza wawo waichi kukaia milungu yawo cheni ndeiwadie ndighi; ndeiko na ndighi sa Mlungu wa Israeli.

ISAYA 66:19

na kumanya angu ni ini niwikabie. Kufuma kwa wandu wamu wawo wichaavuvuka, nichawiduma kwa iro mbari ra wandu: Tarshishi, Putu, na Ludi, awo witumiagha ndana, na kwa Tubali, na Javani, na kwa masanga gha pwani ghiko kula, awo wiseisikire nguma yapo angu kughuwona wubaa ghwapo; nawo wichaghenda na kughuchila wubaa ghwapo kwa iro mbari ra wandu.

ISAYA 59:19

Kwa huwo, kufuma magharibi hata mashariki, wandu wichajiobua irina ja BWANA, na wubaa ghwake; kwa kukaia uchacha sa machi gha moda m'baa ghuenjwagha ni kuweta kwa mbeo ifumagha kwa BWANA.

ISAYA 10:18

Misidu yake iboie na isanga jake jiwurue ukukasagha najo jichanonwa ni BWANA sa mkongo udarumagha na kusia.

KILILO CHA JEREMIA 4:7

Wabaa wedu ndewerelushiroghe; werekoghe wielie sa thaluji, wiko na ndighi na wubanana.