LUMBO 4:3 - Biblia Ilagho Jiboie Kwa Wandu Wose

³ Memu yako eeka sa uzi wa ngundu; yaghokie na ndighi ngelo kwawuyadeda. Madumbu ghako ghiang'ala-ng'ala nyuma ya pazia yako.

LUMBO 4:3 Referans Kwoze

LUMBO 6:7

Madumbu ghako ghiang'ala-ng'ala nyuma ya pazia yako.

LUMBO 5:16

Oosingwa ni malagho, nao ni mundu ukundikie. Uo nuo mkundwa wapo na mghenyi wapo, ee waka wa Jerusalemu.

JOSHUA 2:18

Ola iji dangia isangenyi, kulindie kuseliwe kufunga uhu uzi wa ngundu idirishenyi ijeni kwadiseria; nao kuwirede ndeyo, mayo na wanyinyu wa womi na kinyumba chose cha ndeyo andenyi ya nyumba yako.

WAEBRANIA 9:19

Angu iji Musa wawighoria wandu kula momu ghwa Sharia, orewadieghe bagha ya ngache na mburi, chiaimweri na machi na sufu itinikie na isawi ja hisopu, ukachimichira icho chuo cha Sharia chiaimweri na awo wandu ukighamba,

WAKOLOSAI 4:6

Madedo ghenyu ghikaie gha mvono ngelo rose, sa vindo vilungilo na munyu, mpate kumanya seji imfwane kumtumbulia kula mundu.

WAEFESO 4:29

Msakededa malagho ghangi ghizamie, ela mdede agho gheni ghiko mecha kwa wundu ghwa kuaghana; agho gheni ghifwanagha kwa ngelo yaro, ghipate kuwineka mvono awo wisikiragha.

LUKA 4:22

Na wose wikamghora nicha, wikishinika kwa wundu ghwa agho malagho gha mvono orekoghe ukighighora; wikaghamba, “Welee, uhu suo moni mwana wa Josefu?”

MATHAYO 12:35

Mundu mucha wadafunya malagho mecha kufumanya na ghaja mecha uko nagho, na wokoni mundu mmbiwi kufumanya na ghuja wuwiwi uko nagho wadafunya maza rizamie.

EZEKIELI 16:63

Kuchakumbuka na kufwa waya, hata na jingi kusewuyeghora ilagho jingi kukiwona seji kwafushwa waya ingelo nichaakufuya wughoma makosa ghako ghose koreghibonyereghe. Ini Bwana MLUNGU naghamba.”

LUMBO 7:9

Momu ghwako ghooka sa divei iboie kuchumba. Divei ndeimilike nicha kwa mkundwa wapo ikiidia momunyi na magheghonyi.

LUMBO 5:13

Madumbu ghake gheeka sa matuta gha vilungo, vifunyagha marumba mecha. Memu yake eeka sa mboi ra lili ritonyagha mavuda gha manemane.

LUMBO 4:11

Memu yako iadika wuki bibi arusi wapo; lumi lwako luadika mariwa na wuki kwapo. Nguwo rako reeka na irumba jose ja Lebanoni.

MAKATANISHO 31:26

Wadadeda kwa hikima, na kufundisha wughoma.

MAKATANISHO 10:13

Mundu utambukilwagha, wadadeda malagho gha hikima; ela mundu usetambukilwagha oofwana udamo na zobo.

ZABURI 119:13

Nadaghora malagho ghose kudedie.

ZABURI 45:2

Oho kwaghokie kuchumba wandu wose; kwanekelo kudeda malagho gha mvono, kwa kukaia Mlungu wakurasimie matuku ghose.

ZABURI 37:30

Madedo gha mundu mucha ni gha hikima, nao wadatanya hachi.

EZRA 9:6

ngighamba: “Ee Mlungu wapo, nafwa waya nandighi, hata sifwane kuwusira wushu ghwapo cha kwako. Kaung'a redu rajoka ighu kuchumba vongo vedu, na mawiwi ghedu ghajoka hata mlungunyi.

MITALO 19:6

Nao uchawada mudi ghwa mwerezi, na hisopu, na sufu itinikie, na kuvikumba ghadi na ghadi ya iyo tagho ihiagha.

MITALO 4:8

Niko wichaala nguwo itinikie aighu yaro, na kufinikira mrongo ghwa mburi, ima wingire midi yaro.

WALAWI 14:6

Nao uchawada ija nyonyi imu iko moyo, na kuingira baghenyi irangane na machi ghawuyaida, na ija nyonyi yabwaghwa, chiaimweri na mudi ghwa sida, uzi wa ngundu, na hisopu.

WALAWI 14:4

uchafunya momu kukaia uo mundu orekoghe na sima nao wakunde kueleshwa uredelo nyonyi iwi rimoo riboie, chiaimweri na mudi ghwa sida, uzi wa ngundu na hisopu.

KUZOYA 32:10

Ini sifwane kindo chingi kukatanishwa na ulo lukundo lwako, na wuloli ghwako kughuwonyere kwapo ini mdumiki wako; kwa kukaia nereruwukieghe Jordani na mzata ghwapo ghoni, ela idana nakaia mafungu awi.

LUMBO 1:5

Inyo waka wa Jerusalemu, ini ne wa chilu ela nifwano; neeka wa chilu sa hema ra Kedari, nighokie sa pazia ra hema ra Solomoni.