LUMBO 3:6 - Biblia Ilagho Jiboie Kwa Wandu Wose

⁶ Nani uhu ujokagha kufuma kireti sa nguro ya mosi, ushingilo marumba gha manemane, na ubani, agho marumba ghiuzwagha ni wandu wa biashara?

LUMBO 3:6 Referans Kwoze

LUMBO 8:5

Nani uja uchagha kufuma kireti, wawadiana na mkundwa wake? Nedekuwusira kuko aisi ya mudi ghwa matunda, andu mayo orekuamieghe, ukakumba lufu na kukuva.

LUMBO 4:6

Nichaghenda cha mighondinyi ya manemane, iyo mighondi ya marumba, hata ndoe iele na kira kusia.

LUMBO 1:13

Mkundwa wapo orekoghe ukinuka nicha, iji orelaleghe nyodonyi kwapo.

WUFUNUO 12:14

ela uo muka ukanekwa mawawa awi gha indu mbaa, eri upate kuburuka cha kireti na kuikimbia iyo choka; andu uchaakaia ukilishwa kwa kimu, na vimu na nusu ya kimu.

WUFUNUO 12:6

Uo muka ukakimbia cha kireti, andu Mlungu orem'boisireghe wulalo ghwake, upate kulishwa aho matuku elfu imweri maghana awi na mirongo irandadu.

JEREMIA 31:2

Awo wandu wifufunukie wisebwaghilo wudenyi, nerewiwonieghe wughoma kireti Iji wandu wa Israeli werelolagha kuhora,

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

ISAYA 43:19

Olenyi naawuyabonya ilagho iwishi jazoya kubonyeka; ndemmbuejiwona? Nichabonya chia kireti, na kumneka meda aho.

LUMBO 5:13

Madumbu ghake gheeka sa matuta gha vilungo, vifunyagha marumba mecha. Memu yake eeka sa mboi ra lili ritonyagha mavuda gha manemane.

LUMBO 5:5

Ngawuka nimrughue mkundwa wapo, mikonu yapo na vala vapo vikadatonya manemane ngimrughuya.

LUMBO 1:3

Mavuda kukushingie ghanukie nicha; irina jako jeefwanana nagho; waka wose weekukunda.

WUKUMBUSO 8:2

Kumbuka iyo chia yose BWANA Mlungu oremghenjereghe kireti miaka mirongo ina ukimlongoza na kumtima ngera mchaiwadia memu yake angu ngera ndemchaaiwadia.

WUFUNUO 5:8

Hata iji wameria kuchiwada icho chuo, iro nyamandu riko moyo inya, na awo waghosi mirongo iwi na bana, wikaghwa imbiri ya uo Mwana wa Ng'ondi; kula umu uko na zeze, na bakuli ra dhahabu richue marumba, nagho ni malombi gha waeli.

WAFILIPI 4:18

Napatire manosi ghose, hata na kuchumba seji nerekundieghe, ngakatwa; nyuma ya kupata agho nereredeloghe ni Epafrodito. Nagho ni kizongona cha marumba mecha, chirumirikiagha na kum'boia Mlungu.

MATHAYO 2:11

wikaghenda na kungia andu aja mwana orekoghe, wikammbona uko na mae Maria, wikamdungia ngokoro wikamtasa. Wikafungua mali rawo, wikamfunyira manosi gha dhahabu, ubani, na manemane.

KUFUMA 30:34

Nao BWANA ukamzera Musa, “Wada marumba ghinukie nicha, vipimo vikatane, stakite, onincha, galibaumu, na marumba ghiboie gha ubani.

WUFUNUO 18:13

mdalasini, vilungo, marumba, manemane, ubani, divei, mavuda, mufu ghwa ngano, na ngano; ng'ombe, ng'ondi, farasi, na magare gha chuma, na wazumba, nawo ni wandu.

LUMBO 3:7

Ni Solomoni uchagha wadukwa aighu ya kifumbi chake cha nguma, wawuyalindilwa ni masikari mirongo irandadu; masikari wiboie kuchumba wa Israeli.

MAKATANISHO 7:17

Naghudunga marumba gha manemane, uudi na mdalasini.

HOSEA 9:10

BWANA waghamba, “Iji nerezoyagha kummbona Israeli, odeeka sa kuwona zabibu rikizoghua kireti. Iji nerewiwonagha weke ndeyo, edeeka sa kuwona matunda gha imbiri gha tini riwurue kwa kimu charo. Ela iji werechieghe Mghondi ghwa Peori, wikazoya kutasa Baali; wikazoya kufwanana na iyo milungu wereikundieghe.