LUMBO 3:4 - Biblia Ilagho Jiboie Kwa Wandu Wose

⁴ Niendasighana nawo woruwu, ngammbona; ngammbwada hata sicheemlekeria anduangi. Ngamdwa hata nyumbenyi kwa mao, icho chumba nerevailoghe.

LUMBO 3:4 Referans Kwoze

LUMBO 8:2

Nadakudwa cha nyumbenyi kwa mao uo unifundishire; nadakuneka divei iboie kunyo; agho machi ghapo gha makomamanga.

MAKATANISHO 8:17

Nadawikunda awo winikundagha, na awo winilolagha kwa kufunga ndighi wichaniwona.

MAKATANISHO 4:13

Kumazirie mafundisho, kuseghilekerie; kughilindie, angu ni irangi jako.

MATHAYO 7:7

“Lombenyi, nenyo mchanekwa; lolenyi, nenyo mchawona; kongodenyi, nenyo mcharughuilwa.

KILILO CHA JEREMIA 3:25

BWANA ni mucha kwa kula umu umsuwiriagha.

JEREMIA 29:13

Mchanilola na kuniwona, iji mwanilola kwa ngolo renyu rose.

ISAYA 45:19

Sereghorieghe kivisonyi andenyi ya isanga ja kirenyi; serechizerieghe kivalwa cha Jakobo winilole duu. Ini BWANA nadaghora loli, na kufunukua agho ghiko gha hachi.”

LUMBO 6:12

Imbiri niseiwonie, ngachelwa ni bea ewona magare gha kiwuzuri gha wandu wapo, wei neekanya na m'baa wapo aighu igarenyi.

WAGALATIA 4:26

Ela Jerusalemu ghwa mlungunyi ghooka huru, nagho nuo mao.

MATHAYO 28:9

Na ahoeni Jesu ukakwana nawo ukawizera, “Sere ndeikaie konyu.” Niko wikacha na kummbwada maghu ghake, wikamtasa.

LUMBO 7:5

Chongo chako cheeka cha kimusi sa Mghondi ghwa Karmeli, na iridia jako ilacha jeeka sa nguwo ya kiwuzuri; jawuyawada ngolo ya mzuri.

KUZOYA 32:26

Uja mundu ukamzera, “Nisighe nighende angu ndoe yaawuyaela.” Ela Jakobo ukaghamba, “Kusaanirasimia sikusighagha.”

WAROMA 8:35

Nani uchaaditanya na lukundo lwa Kristo? Ni matiriro, angu wasi, angu kutirirwa, angu njala, angu zuna, angu ndengwa, angu kubwaghwa?

WAROMA 8:39

hata ndighi ringi zima ra mlungunyi, hata wurumwengu ghwa aighu, hata wurumwengu ghwa aisi, hata kilambo chiumbilo chingi, ndechichaadima kuditanya na lukundo lwa Mlungu, ulo luko andenyi ya Kristo Jesu Bwana odu anduangi.

LUMBO 1:7

Nighorie mkundwa, ni hao kulishiragha ng'ondi rako? Kwaridimishiragha hao dime ghadi? Kwaki niendaakulola aghadi ya mfugho ra walisha wazima?