LUMBO 3:11 - Biblia Ilagho Jiboie Kwa Wandu Wose

¹¹ Inyo waka wa Sioni, choonyi mmbone Mzuri Solomoni seji warushwa kirumbu ni mae; ituku ja arusi yake, ijo ituku ja kuboilwa kwake.

LUMBO 3:11 Referans Kwoze

ISAYA 62:5

Sa iji koni mdawana umlowuagha mwai, huwo koni wana wako wichawusa isanga jako; na sa iji koni bwana arusi uboilwagha ni mwai ulowolwagha, huwo koni Mlungu wako uchaboilwa ni oho.

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

WUFUNUO 1:7

Olenyi uacha mawingunyi, na kula iriso jichammbona, na kula mundu oremdungieghe, na wandu wa mbari rose ra ndoenyi, wichakema mchungu kwa wundu ghwake. Niko koni. Amen.

WAEBRANIA 13:13

Kwa huwo, ndedimghendie uo cha shighadi ya kambi, dikidwa masholio agho oreghirumaghieghe.

MATHAYO 12:42

“Malkia wa kusinyi uchawuka andwamweri na kivalwa ichi kutanyonyi, nao uchachitanya kukaia chakosere. Angu uo orechieghe kufuma kula, kusikira malagho gha hikima ya Solomoni. Na aha jeko ilagho ibaa kuchumba Solomoni.

ZEFANIA 3:17

BWANA, uo Mlungu wako oko andwamweri na oho; kudima kwake kuchakuredia wusimi. BWANA uchaboilwa ni oho, nao uchakuneka irangi iwishi kwa lukundo lwake. Uchaboilwa na kuzuma aighu yako kwa kubora,

ZABURI 9:14

eri nipate kughieresha makaso ghako, andenyi ya muzi ghwa Jerusalemu; na aho niboilo andenyi ya kukia kwako.

WUFUNUO 19:12

Meso ghake gherekoghe sa lumu lwa modo, urwae virumbu vingi chongonyi kwake; nao oko na irina ijo mndungi usedimagha kujimanya, ela uo moni uekeri.

WUFUNUO 19:7

Ndediboilo na kuzuma, dimneke ugho wubaa, angu harusi ya uo Mwana wa Ng'ondi yameria kuvika, na mkake wakuwika nicha.

WAEBRANIA 2:9

Ela dammbona Jesu, uo orebonyeroghe mtini kuchumba weke malaika kwa ngelo ndini, eri kwa mvono ghwa Mlungu, upate kufwa kwa wundu ghwa kula mundu; nesi dammbona warushwa kirumbu cha wubaa na ishima, angu orepatireghe matiriro gha kifwa.

WAKOLOSAI 1:18

Nao nuo chongo cha mumbi, najo ni ikanisa; uo ni uko kuzoya, nao nuo wa imbiri wa kuruka kufuma kwa wafu; eri upate kukaia wa imbiri kwa maza rose.

JOHANE 15:11

“Namghoria malagho agha, eri kuboilwa kwapo kukaie andenyi konyu, na kuboilwa konyu kukate.

JOHANE 3:29

Uo uko na muka nuo bwana arusi, ela mghenyi wa bwana arusi, uo ukaiagha kimusi na kumsikira, wadaboilwa kumsikira bwana arusi ukideda. Idana kuboilwa kwapo kwakatishwa.

LUKA 15:32

Ni hachi putu kubonya maseko na kuboilwa, angu uhu mwanyinyu orekoghe ufue, nao hoyu oko moyo; orekoghe ulagharie, nao idana wawoneka.’”

JEREMIA 32:41

Nichaboilwa kuwibonyera mecha, nani nichawimangisha andenyi ya iji isanga, kwa ngolo yapo yose na kwa roho yapo yose.

ISAYA 53:11

nao uchawona matunda gha wasi ghwa roho yake na kukatwa; kwa wundu ghwa kumanya kwa hachi yake, mdumiki wapo uchawibonya wengi kutalwa kukaia na hachi, nao uchaduka mawiwi ghawo.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

ISAYA 4:4

ingelo BWANA uchaaoghosha wuchafu ghwa wandu wa Sioni, na bagha idikie Jerusalemu kwa roho ya kutanya, na roho ya modo.

LUMBO 8:5

Nani uja uchagha kufuma kireti, wawadiana na mkundwa wake? Nedekuwusira kuko aisi ya mudi ghwa matunda, andu mayo orekuamieghe, ukakumba lufu na kukuva.

LUMBO 7:11

Choo dighende cha shighadi ya muzi mkundwa; dilale mizinyi mitini.

LUMBO 2:7

Inyo waka wa Jerusalemu, namghemesha kwa shaa na weke mwakuli wa mlambenyi kukaia, msengirie lukundo lodu.

LUMBO 1:5

Inyo waka wa Jerusalemu, ini ne wa chilu ela nifwano; neeka wa chilu sa hema ra Kedari, nighokie sa pazia ra hema ra Solomoni.

ZABURI 48:11

Wandu wa Sioni waboilwa, mizi ya Juda yachulwa ni iseko kwa wundu ghwa kutanya kwako.

ZEKARIA 6:11

Kubonye kirumbu cha feza na dhahabu kwariwusa kwawo, nao kumrushe Mkohani M'baa Joshua mwana wa Jehosadaki chongonyi kwake.