LUMBO 2:8 - Biblia Ilagho Jiboie Kwa Wandu Wose

⁸ Nasikira lwaka lwa mkundwa wapo. Waawuyacha ukikimbia aighu mighondinyi, waawuyashashira kunichea aighu ya mighondi mitini.

LUMBO 2:8 Referans Kwoze

JOHANE 10:27

Ng'ondi rapo radasikira lwaka lwapo, nani nariichi, naro raninugha.

WUFUNUO 3:20

Ola nakaia kimusi mnyangonyi naawuyakongoda, ngera mndungi wasikira lwaka lwapo na kurughua mnyango, nichangia andenyi kwake na kuja andwamweri nao, nao uchaja andwamweri nani.

JOHANE 3:29

Uo uko na muka nuo bwana arusi, ela mghenyi wa bwana arusi, uo ukaiagha kimusi na kumsikira, wadaboilwa kumsikira bwana arusi ukideda. Idana kuboilwa kwapo kwakatishwa.

ISAYA 52:7

Kwaboie saki kummbona mdumwa ukighenda aighu mighondinyi, kwa wundu ghoeresha malagho mecha; uo uereshagha sere kwa kureda malagho mecha gha kukia; na kughuzera muzi ghwa Jerusalemu, “Mlungu wako wabonya nguma.”

LUMBO 2:17

Wuya mkundwa kukaie hata ndoe iele; na kira kusia kaia sa shaa angu sarigha aighu ya mighondi iwukie na kusea.

MABONYO GHA WADUMI 14:10

ukaghora kwa lwaka lubaa, “Wuka kimusi kwa maghu ghako.” Uja mundu ukarama na kughenda.

MABONYO GHA WADUMI 3:8

Ukarama, ukakaia kimusi, ukawoka kughenda na kungianya nawo cha Hekalunyi, ukighenda na kurama-rama kwa kumkasa Mlungu.

JEREMIA 48:27

Welee ndemoremsekieghe Israeli? Huwo modemmbona aghadi ya vitoi iji moremdedagha mkisughusa vongo venyu?

ISAYA 44:23

Borenyi ee mlungunyi, kwa kukaia BWANA wameria kujibonya ilagho ijo; wusirenyi chwaka renyu inyo andu kumilie kwa ndoenyi; na inyo mighondi borenyi kwa kuboilwa, ee, na kula mudi ghwa msidunyi ndeghubore, kwa kukaia BWANA wameria kumkombua Jakobo nao uchakaswa andenyi ya Israeli.

ISAYA 35:6

mkelemeri ucharama-rama sa shaa, na kituri uchabora kwa kuboilwa. Kwa kukaia machi ghichabuka kireti, na ndoria ra machi richakaia andu kuomie;

LUMBO 5:2

Nerekoghe nilale, ela ngolo yapo ikakaia ilave; ngasikira mkundwa wapo ukikaba mnyango. Nirughue wangolo, mkundwa wapo mbughi yapo; nashushurilwa, na iridia japo jawada machi.

2 SAMUELI 6:16

Hata iji Sanduku ya llaghano ya BWANA erekoghe ikingirwa mzinyi ghwa Daudi, Mikali mwai wa Sauli ukazighana idirishenyi, ukammbona Mzuri Daudi ukirama na kuvina imbiri ya BWANA, ukammenya ngolonyi kwake.

LUKA 6:23

Boilonyi ngelo iyo, mchumbe chumbe kwa kuboilwa, angu mwawikilwa mafungu mabaa uko mlungunyi. Angu huwo niko weke wawa wawo werewibonyereghe walodi.

LUMBO 4:16

Wuka ee mbeo ya kaskazinyi; choo ee mbeo ya kusinyi! Weta aighu ya mbuwa yapo, kuchure mbeo na marumba mecha; mkundwa wapo ndeche mbuwenyi kwake, uje matunda gharo, agheni ghiboie kuchumba ghose.