LUMBO 1:7 - Biblia Ilagho Jiboie Kwa Wandu Wose

⁷ Nighorie mkundwa, ni hao kulishiragha ng'ondi rako? Kwaridimishiragha hao dime ghadi? Kwaki niendaakulola aghadi ya mfugho ra walisha wazima?

LUMBO 1:7 Referans Kwoze

ISAYA 13:20

Jingi ndeghuchaakailwa ni wandu kwa vivalwa vose. Muarabu ungi ndechaadunga hema yake aho, hata mlisha ungi ndechaalisha mfugho rake aho.

ZABURI 28:1

Nakuwanga oho ee BWANA; mlindiri wapo, kusakeninyamia. Kukaninyamia, nichafwanana na wandu wingirwagha kaburinyi.

WUFUNUO 7:17

Angu uo Mwana wa Ng'ondi uko aghadi ya icho kifumbi cha nguma, uchakaia mlisha wawo, nao uchawighenja kwa ndoria ra machi gha irangi na Mlungu uchawiaghia mbori rose mesonyi kwawo.”

1 JOHANE 2:19

Awo wandu werefumieghe kodu, ela ndewerekoghe wa kedu anduangi; ngera wedeeka wa kedu, kumangu waduanyagha nesi. Ela werefumieghe, eri wipate kuwoneka worinyi kukaia awo wose si wa kedu anduangi.

1 PETRO 2:7

Kwa huwo, ni wa zoghori mbaa konyu inyo mrumiriagha; ela kwa awo wiserumiriagha, “Ijo igho jeni waaghi werejileghieghe, nijo jeni jiwurie ibaa ja mbembenyi.”

1 PETRO 1:8

Inyo mwamkunde, hata ngera ndemumbonie; nenyo hata ngera ndemuwuemmbona idana, mwamrumiria kwa kuboilwa kubaa kuseghorekagha.

JOHANE 21:17

Jesu ukamkotia sena indo ja kadadu, “Wele Simoni mwana wa Johane, kwanikunde?” Petro ukangilwa ni wasi angu oremkotereghe indo ja kadadu, kwanikunde? Ukamzera, “Bwana oho kwavimanya vilambo vose, kwaichi angu nakukunde.” Jesu ukamzera, “Kuzighaneghee ng'ondi rapo.

JOHANE 10:11

“Ini nuo Mlisha mucha. Mlisha mucha wadafunya irangi jake kwa wundu ghwa ng'ondi.

MATHAYO 10:37

“Uo umkundagha ndee angu mae kuchumba ini, ndenifwanaghaanduangi; na uo umkundagha mwana wa womi angu wa waka kuchumba ini, ndenifwanagha anduangi.

MIKA 5:4

Ngelo uchagha, uchawibonyera nguma wandu wake kwa ndighi ra BWANA, na kwa nguma ya BWANA Mlungu moni. Wandu wake wichakaia banana, kwa kukaia wandu wose wurumwengunyi wichaghutala wubaa ghwake.

JEREMIA 33:12

BWANA wa majeshi waghamba huwu, “Isanga iji jeresighiloghe iduu, jisewadie mundu hata nyamandu andenyi ya mizi yake yose, jichakaia na malalo gha walisha ghelisha mfugho rawo.

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

ISAYA 26:9

Ngolo yapo yakaia na bea na oho ngelo ya nakio, roho yapo kondenyi kwapo yakulola kwa kufunga ndighi. Angu iji kutanya kwako kuko ndoenyi, wandu wiko wurumwengunyi wakufundisha kubonya hachi.

ISAYA 5:1

Sikirienyi nim'borie mkundwa wapo lumbo lwa lukundo, aighu ya mbuwa yake ya mizabibu: Mkundwa wapo orekoghe na mbuwa ya mizabibu, aho mghondinyi kuko na ndoe iwurue.

LUMBO 8:13

Neekunda kusikira lwaka lwako kufuma mbuwenyi mkundwa; wangara wapo waawuyaweseria wisikire kukideda.

LUMBO 6:3

Uo ni mkundwa wapo, nani ne wake; wadalisha mfugho rake aghadi ya mboi ra lili.

LUMBO 5:16

Oosingwa ni malagho, nao ni mundu ukundikie. Uo nuo mkundwa wapo na mghenyi wapo, ee waka wa Jerusalemu.

LUMBO 5:10

Mkundwa wapo ooghoka sena oko na ndighi; nuo moni uekeri aghadi ya wandu elfu ikumi.

LUMBO 5:8

Inyo waka wa Jerusalemu, namvoya; mkammbona mkundwa wapo, mumzere nabwaghwa ni lukundo.

LUMBO 2:16

Mkundwa ni wapo, na ini ne wake; wadalisha iranu jake aghadi ya mboi.

LUMBO 2:3

Mkundwa wapo ukakaia aghadi ya wambenyu, ni sa mudi ghwa matunda ghadi na ghadi ya msidu. Naboilwa ni kusea kidombo kijunyi kwake; itunda jake jasingie nandighi.

ZABURI 116:1

Namkunde BWANA angu unisikiragha; wasikire malombi ghapo na kuvoya kwapo.

ZABURI 80:1

Sikira ee Mlisha wa Israeli, oho kughenjagha kivalwa cha Josefu sa ng'ondi. Oho kukaiagha aighu ya kifumbi cha nguma naighu ya makerubi,

ZABURI 18:1

Ee BWANA ndighi rapo, nakukunde nandighi.

KUZOYA 37:16

Nao ukamtumbulia, “Naawuyalola wanidu, nakulomba kunighorie andu wawuyalisha.”

LUMBO 6:2

Mkundwa wapo waasea cha mbuwenyi kwake, andu midi ya vilungo iwalo. Waawuyalisha mfugho rake ambuwenyi, na kuwaya mboi ra lili.

RUTHU 2:21

Niko Ruthu ukaghamba, “Chiaimweri na huwo wanizera angu nishoanyeghe viro na wadumiki wake hata wimerie kukuwida.”