LUMBO 1:4 - Biblia Ilagho Jiboie Kwa Wandu Wose

⁴ Nido cha kwako dighende, Mzuri ndenido na kuningira chumbenyi kwake; dichaboilwa chiaimweri, na kulukuma lukundo lwako kuchumba divei; si ishiniko jingi oho kukundwa ni waka.

LUMBO 1:4 Referans Kwoze

JOHANE 6:44

Mndungi ndedimagha kucha kwapo anduangi, ngera userudilo ni uja Aba orenidumieghe, nani nichamrukisha Ituku ja kutua mbai.

HOSEA 11:4

Nerewirudieghe cha kwapo kwa wughoma, ngawimaziria kwa lukundo; ngakaia kwawo sa mundu ufunguagha ghongolo kufuma singonyi kwawo, ngaghomeka nipate kuwijisha.

JOHANE 12:32

Nani ngameria kujoswa aighu ya ndoenyi, nichawiruda wandu wose cha kwapo.”

JEREMIA 31:3

nerewifutukieghe kufuma kula. Neremkundeghe kwa lukundo lwa kala na kala, niko huwo nadua ngikaia mloli konyu.

WAEBRANIA 12:1

Kwa huwo na isi wori, kwa kukaia damarwa ni iwingu ibaa ja washahidi jing'ane huwu, ndediinje kula kighirio, na iyo kaung'a idikakadiagha na ndighi; dikimbie kwa kurumaghia, kwa kuja kuisana kuwikilo imbiri kodu

LUKA 22:19

Ukawada mkate, ukafunya chawucha, ukaghuchikanya ukawineka ukighamba, “Ughu nigho mumbi ghwapo [ghufunywagha kwa wundu ghonyu, bonyenyi huwu kwa kunikumbuka ini.”

LUKA 2:10

Malaika ukawizera, “Msakeobua, angu namredia inyo malagho mecha gha kuboilwa kubaa kuchaakaia kwa wandu wose;

MATHAYO 25:10

Ela iji werefumieghe kwendaghua, uja bwana arusi ukacha, na waja werekoghe tayari wikangianya nao cha karamunyi ya arusi, mnyango ghukarughwa.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

ISAYA 63:7

Nichalughora ulo lukundo lukatie lwa BWANA, na kumkasa BWANA kwa maza rose oredibonyereghe, na wucha ghose ughubonyere kwa nyumba ya Israeli kwa wughoma ghwake, karakara na ugho wungi ghwa lukundo lwake lukatie.

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

ISAYA 45:25

Wandu wose wa kivalwa cha Israeli wiko andenyi yapo ini BWANA, wichasima na kupata wubaa.”

ISAYA 25:8

Bwana MLUNGU uchachiinja kifwa kwa kala na kala, nao uchariaghia mbori rose mesonyi kwawo, na kughiinja masholio gha wandu wake ndoenyi kose; kwa kukaia BWANA wajighora ilagho iji.

LUMBO 3:4

Niendasighana nawo woruwu, ngammbona; ngammbwada hata sicheemlekeria anduangi. Ngamdwa hata nyumbenyi kwa mao, icho chumba nerevailoghe.

ZABURI 149:2

Israeli ndeboilo ni Muumbi wake; wandu wa Sioni ndewimzumie Mzuri wawo.

WAEFESO 2:6

ukadirukisha andwamweri nao, na kudisera kidombo andwamweri nao andenyi ya malalo gha mlungunyi kwa Kristo Jesu;

ZEFANIA 3:14

Borenyi mkeme kwa kuboilwa inyo wandu wa Israeli! Boilonyi na kuzuma kwa ngolo renyu rose inyo wandu wa Jerusalemu!

ZABURI 119:60

Nadashashira hata simukagha kuiwadia memu yako.

ZABURI 119:32

Nichaghiwadia malaghiro ghako kwa kufunga ndighi, kwa kukaia oho kuchachuria kunitambushira.

ZABURI 111:4

BWANA wabonya kazi rake ra mashiniko rikumbuko; wachua mvono na wughoma.

ZABURI 63:5

Irangi japo jichakatwa sa mundu waja vindo vinorie, nani nichakukasa kwa chumbo ra kuboilwa.

ZABURI 48:9

Dadaririkanya malagho gha lukundo lwako lukatie ee Mlungu, iji diko andenyi ya Hekalu yako.

ZABURI 42:4

Nakumbuka niko na wasi ngolonyi, seji niduelongoza izungu ja wandu kughenda nyumbenyi kwa Mlungu. Longo lwa wandu wengi wiwadiagha mizango ya ndima; wikibora na kuzuma na kufunya chawucha kwa Mlungu.

1 PETRO 1:8

Inyo mwamkunde, hata ngera ndemumbonie; nenyo hata ngera ndemuwuemmbona idana, mwamrumiria kwa kuboilwa kubaa kuseghorekagha.

WAFILIPI 4:4

Boilonyi andenyi ya Bwana matuku ghose; naghamba sena, Boilonyi.

WAFILIPI 3:3

Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;

WAEFESO 6:24

Mvono ndeghukaie andwamweri na awo wose wimkundagha Bwana odu Jesu Kristo kwa lukundo lusewadie kutua.

LUMBO 4:10

Lukundo lwako lwadanisingia kuchumba bibi arusi wapo, lwaboie kuchumba divei. Marumba ghako ghachumba ghose.