LUKA 9:34 - Biblia Ilagho Jiboie Kwa Wandu Wose

³⁴ Nao ukighora agho jikacha iwingu jikawingiria kiju; wikaobua iji werefinikiroghe ni ijo iwingu.

LUKA 9:34 Referans Kwoze

WUFUNUO 1:17

Nani iji neremmbonieghe, nereghueghe maghunyi kwake seji naafwa. Ela ukaniwikiria mkonu ghwake ghwa kiwomi ukaghamba, “Kusakeobua, ini nuo wa imbiri, na wa kutua;

DANIELI 10:8

Niko ngasigharika niekeri, na kuwona agho mawono mabaa; hata seresigharikieghe na ndighi ringi andenyi kwapo. Wushu ghwapo ghukaghaluka ghoobosha, ngasirilwa ni ndighi putu.

ISAYA 19:1

Agha nigho malagho aighu ya Misri, ola BWANA uacha Misri naiseghe wajoka aighu iwingunyi. Milimu ya Misri ichasughusika imbiri kwake, na wandu wa Misri wichafwa ngolo.

WATANYI 13:22

Manoa ukamzera mkake, “Kwa loli daakola dafwa, angu dammbona Mlungu.”

WATANYI 6:22

Niko Gideoni ukamanya angu uja ni malaika wa BWANA, ukaghamba, “Oe! E BWANA Mlungu! Nammbona malaika wa BWANA kwa wushu.”

LUKA 9:33

Nao iji awo wandu werekoghe wikisighana na Jesu, Petro ukamzera Jesu, “Kwaboie saki isi kukaia aha: ndediaghe viwanda vidadu, chimu chako kumoni, na chimu cha Musa, na chimu cha Elija.” Ela nderekoghe ukimanya agho ughoragha anduangi.

LUKA 9:35

Lukacha lwaka andenyi ya jija iwingu lukighamba, “Uhu ni Mwana wapo, msaghulwa wapo, msikirenyi.”