LUKA 9:19 - Biblia Ilagho Jiboie Kwa Wandu Wose

¹⁹ Wikamtumbulia, “Wamu waghamba ko Johane M'baputizi, na wamu Elija, na wazima wei ko umu wa walodi wa kala urukie kufuma kwa wafu.”

LUKA 9:19 Referans Kwoze

JOHANE 1:21

Nawo wikamkotia, “Da koko ani? Oho ko Elija?” Johane ukawitumbulia, “Ini suo ungi.” Wikamkotia, “Oho ni uja mlodi?” Ukaghamba, “Hata.”

MARKO 6:15

Ela wazima wikaghamba, “Ni Elija”. Na wamu wikaghamba, “Uhu ni mlodi sa umu wa walodi wa kala.”

MATHAYO 14:2

Ukawizera wadumiki wake, “Uo ni Johane M'baputizi waruka kufuma kwa wafu; kwa wundu ughu ndighi iri rabonya kazi andenyi kwake.”

MALAKI 4:5

“Olenyi nichamduma mlodi Elija imbiri ijo ituku ibaa ja BWANA jeobosha jisechee.

JOHANE 9:17

Wikamkotia uja mundu sena, “Oho kughora wada aighu yake angu ukutambuye meso?” Ukawitumbulia, “Uo ni mlodi.”

JOHANE 7:40

Wiendasikira agho malagho, wandu wamu waro wikaghamba, “Kwa loli mundu uhu ni uja Mlodi.”

JOHANE 1:25

Wikamkotia Johane, “Ikakaia oho kuseko Kristo angu Elija, angu uja mlodi-lee, kwaki sena kubaputizagha?”

MATHAYO 3:1

Matuku agho Johane M'baputizi ukacha kireti cha Judea ukazoya kuchila

MARKO 6:14

Nao mzuri Herode ukasikira iro maza, angu irina ja Jesu jeremanyikieghe andu kose. Wandu wamu werekoghe wikighamba, “Johane M'baputizi waruka kufuma kwa wafu, na kwa wundu ughu, niko ndighi iri rawuyabonya kazi andenyi kwake.”

LUKA 9:18

Ituku jimu Jesu orekoghe ukilomba uekeri, na wanughi wake werekoghe kaavui; nao ukawikotia, “Wandu waghambagha ini nani?”

LUKA 9:20

Ukawizera, “Ela inyo mwaghamba ini nani?” Nao Petro ukatumbulia, “Oho ko Kristo wa Mlungu.”