LUKA 9:1 - Biblia Ilagho Jiboie Kwa Wandu Wose

¹ Nao Jesu ukawiwanga chiaimweri waja wanughi ikumi na wawi, ukawineka ndighi na nguma aighu ya pepo rose na kuboisa makongo.

LUKA 9:1 Referans Kwoze

JOHANE 14:12

Namghoria loli, uo unirumiriagha, uchabonya iro kazi niribonyagha; ee, nao uchabonya na zima mbaa kuchumba iri; angu niaghenda kwa Aba.

LUKA 10:19

Olenyi namneka nguma rekanyanga aighu ya choka na vishushe, na kurisima ndighi rose ra uja m'maiza, hata ndekuwadie kindo chingi chichaam'bonya ilagho jingi anduangi.

MABONYO GHA WADUMI 4:30

na oho ghorua mkonu ghwako kuboise, na kubonya weke mwakilimbiti na mashiniko kwa irina ja mdumiki wako Mweli Jesu.”

MATHAYO 16:19

Nichakuneka oho mifunguo ya wuzuri ghwa mlungunyi. Icho kuchaachifunga ndoenyi chichafungika mlungunyi, na icho kuchaachifungua ndoenyi, chichafungulwa mlungunyi.”

MABONYO GHA WADUMI 1:8

Ela mchapata ndighi, iji Roho Mweli wamchea aighu konyu; nenyo mchakaia washahidi wapo andenyi ya Jerusalemu, Judea kose, Samaria, na hata kutua kwa ndoenyi.”

MABONYO GHA WADUMI 9:34

Petro ukamzera, “Ainea, Jesu Kristo wakuboisa, wuka kuale wuli ghwako.” Nao ukawuka shwa wori.

MABONYO GHA WADUMI 3:16

Na kwa ndighi ra irina jake, na irumirio jiko kwa ijo irina jake, jamneka ndighi mundu uhu mwawuyammbona na kummanya; na ijo irumirio jiko kwa chia ya Jesu, jamneka mundu uhu wubanana ghukate mesonyi konyu inyo mmbose.

MATHAYO 4:24

Na sare yake ikaera isanga jose ja Siria, wandu wikamredia wakongo wa mbari rose werekoghe wikisirimika kwa pepo na kuzimia, andwamweri na wakelemeri. Jesu ukawiboisa wose.

MATHAYO 8:9

Angu ini moni wori neko aisi ya nguma ra wazima; nani neko na masikari aisi yapo. Ngamzera umu, ‘Ghenda’ wadaghenda, na mzima ‘Choo’ wadacha; na mzumba wapo, ‘Bonya iji’ nao wadabonya.”

LUKA 10:1

Nao nyuma ya agho, Jesu ukawika wazima sena wandu mirongo mfungade, ukawiduma wawi-wawi wimkirie kughenda iyo mizi orekundieghe kuighenda.