LUKA 8:21 - Biblia Ilagho Jiboie Kwa Wandu Wose

²¹ Ela uo ukawizera, “Mao na wanidu ni waja wijisikiragha ilagho ja Mlungu na kujibonya.”

LUKA 8:21 Referans Kwoze

JAKOBO 1:22

Ela mkaie wabonyi wa ijo ilagho, msakekaia wasikiri waduu mkikukalia mmbeni.

JOHANE 13:17

Ngera mwaghimanya agha, mwarasimilwa mkaghibonya.

3 JOHANE 1:11

Mkundwa, kusesunge wuwiwi, ela kusunge wucha. Uo ubonyagha nicha ni wa Mlungu; uo ubonyagha kiwiwi, ndemmbonie Mlungu anduangi.

1 JOHANE 2:29

Ikakaia mwaichi angu Kristo ni mhachi, mwadima kukaia na wuloli kukaia kula mundu ubonyagha hachi oovalwa ni Mlungu.

2 WAKORINTHO 6:18

Nani nichakaia ndeyo onyu, nenyo mchakaia wana wapo wa womi na wa waka; waghamba Bwana uwadie ndighi rose.”

LUKA 8:15

Na iri ripotokie ndoe iwurue, ni sa wandu wijisikiragha ilagho na kujiwadia kwa ngolo ndicha esikira, nawo wadava matunda kwa kurumaghia.

2 WAKORINTHO 5:16

Kwa huwu kufuma idana, ndedimmanyagha mndungi kwa kunugha seji uwonekagha anduangi; hata ngera deremmanyireghe Kristo kunughana na seji orekoghe ukiwoneka, ndediduagha dikimmanya huwo anduangi.

JOHANE 20:17

Jesu ukamzera, “Kusakeniwada, angu sijokie kande kwa Aba, ela ghenda kwa wanidu kuwighorie niajoka kwa Aba na Aba onyu; kwa Mlungu wapo na Mlungu onyu.”

MATHAYO 25:40

Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

MATHAYO 28:10

Jesu ukawizera, “Msakeobua, ghendenyi muwighorie wanidu wighende Galilaya, na aho wichaniwona.”

MATHAYO 25:45

Nao moni uchawitumbulia, ‘Namghoria loli, iji moreleghieghe kum'bonyera nicha umu wa awa watini, huwo ni ini moni mserenibonyereghe.’

LUKA 8:20

Ukaghorelwa, “Mayo na wanyinyu weko shighadi wawuyakulola wikunde kukuwona.”